പാലക്കാട്    ഷൊര്‍ണൂരിൽ ട്രെയിൻ തട്ടി നാലു മരണം .തമിഴ്നാട് സ്വദേശികളായ നാല് ശുചീകരണ തൊഴിലാളികളാണ് മരിച്ചത്. തിരുവനന്തപുരത്തേക്ക് വരുകയായിരുന്ന കേരള എക്സ്പ്രസ് ട്രെയിൻ തട്ടിയായിരുന്നു അപകടം. ഷൊര്‍ണൂര്‍ പാലത്തിൽ വെച്ച് ഇന്ന് ഉച്ചയ്ക്കുശേഷമായിരുന്നു  അപകടമുണ്ടായത്. ലക്ഷ്മണൻ, വള്ളി, റാണി, ലക്ഷ്മണൻ എന്നിവരാണ് മരിച്ചത്.  മൂന്നുപേരുടെ മൃതദേഹം കിട്ടി.  നാലുപേരും സംഭവ സ്ഥലത്തുവച്ചുതന്നെ മരിച്ചു.  

മാലിന്യം ശേഖരിക്കുന്നതിനിടെയാണ് അപകടമുണ്ടായത്. ഇവര്‍ റെയില്‍വെയുടെ കരാര്‍ ശുചീകരണ തൊഴിലാളികളായിരുന്നു . ട്രെയിന്‍ വരുന്നതിനെ കുറിച്ച് ഇവര്‍ അറിഞ്ഞിരുന്നില്ല.ഭാരതപ്പുഴ മുറിച്ചുകടക്കുന്ന പാലത്തിന് മുകളിലൂടെ നടക്കുമ്പോള്‍ പെട്ടെന്ന് കേരള എക്സ്പ്രസ്  വന്നു. ഇവരില്‍ മൂന്നുപേരെ ട്രെയിന്‍ തട്ടി. ഒരാള്‍ പുഴയിലേക്ക് ചാടി  എന്നാണ്   പ്രാഥമിക വിവരം.