ഓട്ടോറിക്ഷ മറിഞ്ഞ് അടിയില്‍പ്പെട്ട് രണ്ടു വയസ്സുകാരിക്ക് ദാരുണാന്ത്യം... നായ്ക്കട്ടി പിലാക്കാവ് ഊരാളി ഉന്നതിയിലെ രാജേഷ് സുമ ദമ്പതികളുടെ മകള്‍ രാജലക്ഷ്മിയാണ് മരിച്ചത്. ഇന്നു രാവിലെ എട്ടുമണിയോടെ ബത്തേരി കോട്ടക്കുന്നിന് സമീപമാണ് അപകടം നടന്നത്.

നായ്ക്കട്ടിയില്‍ നിന്ന് ബത്തേരിയിലേക്ക് ഓട്ടോറിക്ഷയില്‍ വരുമ്പോള്‍ കോട്ടക്കുന്നിന് സമീപത്തായി അതേ ദിശയിലെത്തി യൂടേണ്‍ എടുത്ത കാറുമായി ഇടിച്ച് ഓട്ടോറിക്ഷ മറിയുകയായിരുന്നു.

ഇതിനടിയില്‍പെട്ട രാജലക്ഷ്മിയെ ഉടനെ ബത്തേരിയിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാന്‍ കഴിഞ്ഞില്ല. ഇരുളത്തെ ബന്ധുവീട്ടിലേക്ക് മതാപിതാക്കള്‍ക്കും സഹോദരങ്ങള്‍ക്കുമൊപ്പം പോകും വഴിയാണ് അപകടം നടന്നത്. അര്‍ജുനന്‍, രാജേശ്വരി എന്നിവര്‍ സഹോദരങ്ങളാണ്.