കഴിഞ്ഞ ദിവസം കാണാതായ യുവതിയുടെ മൃതദേഹം പമ്പാ നദിയില്‍ കണ്ടെത്തി. മാന്നാര്‍ ബുധനൂര്‍ കടമ്പൂര്‍ ശ്രീവിലാസം വീട്ടില്‍ പ്രസാദ് ജി. കാരണവരുടെ ഭാര്യ അഞ്ജു എസ്. നായരുടെ(34) മൃതദേഹമാണ് ആയാപറമ്പ് പെരുമാങ്ങര പാലത്തിന് സമീപം പമ്പാ നദിയില്‍ കണ്ടെത്തിയത്.

രണ്ടുദിവസം മുമ്പ് അഞ്ജു എസ്. നായരെ കാണാതായതായി ബന്ധുക്കള്‍ മാന്നാര്‍ പൊലീസ് സ്റ്റേഷനിന്‍ പരാതി നല്‍കിയിരുന്നു. വിയപുരം പൊലീസ് മേല്‍ നടപടികള്‍ സ്വീകരിച്ച മൃതദേഹം വണ്ടാനം മെഡിക്കല്‍ കോളേജില്‍ പോസ്റ്റുമോര്‍ട്ടത്തിന് ശേഷം വീട്ടുവളപ്പില്‍ സംസ്‌കാര ചടങ്ങുകള്‍ നടന്നു. മക്കള്‍: പൂജിത (6), പൂര്‍ണ്ണിമ (5), പൂര്‍വ്വിക(ഒന്നര).