ഭാര്യയെ ഭര്‍ത്താവ് വെട്ടി പരിക്കേല്‍പ്പിച്ചു. കോഴിക്കോട് വടകര ചെമ്മരത്തൂരിലാണ് സംഭവം. ചെമ്മരത്തൂര്‍ സ്വദേശി അനഘയുടെ രണ്ട് രണ്ട്‌കൈകള്‍ക്കും വെട്ടേറ്റു.

സംഭവത്തില്‍ ഭര്‍ത്താവ് ഷനൂബിനെ വടകര പൊലീസ് കസ്റ്റഡിയിലെടുത്തു. ഇന്നലെ വൈകുന്നേരം5.30 ഓടെയാണ് സംഭവം. അനഘയെ ചെമ്മരത്തൂരിലെ സ്വന്തം വീട്ടില്‍ വെച്ചാണ് ഭര്‍ത്താവ് ഷാനൂബ് ആക്രമിച്ചത്.

വകവരുത്തുമെന്ന് ചൂണ്ടിക്കാട്ടി കഴിഞ്ഞ ദിവസം ഭര്‍ത്താവ് പലര്‍ക്കും ഓഡിയോ സന്ദേശം അയച്ചിരുന്നെന്ന് അനഘ . വൈകുന്നേരം ഇയാള്‍ കത്തിയും കൊടുവാളുമായെത്തി അക്രമം നടത്തുകയായിരുന്നു. അനഘയെ വടകര ജില്ലാ ആശുപത്രിയില്‍ പ്രവേശിപ്പിച്ചിരിക്കുകയാണ്.

അക്രമം തടയുന്നതിനിടെ അനഘയുടെ അമ്മൂമ്മ മാതുവിനും പരിക്കേറ്റു. അക്രമണത്തിന് ശേഷം സമീപത്തെ ബസ് സ്റ്റോപ്പില്‍ നില്‍ക്കുകയായിരുന്ന ഷനൂബിനെ പൊലീസെത്തി കസ്റ്റഡിയിലെടുത്തു.