തിരുവനന്തപുരം നഗരത്തില്‍ ഇന്ന് വിവിധ ഇടങ്ങളില്‍ ജലവിതരണം മുടങ്ങും. ശാസ്തമംഗലം ജംഗ്ഷനിലെ ജല അതോറിറ്റിയുടെ പൈപ്പ് ലൈനില്‍ ചോര്‍ച്ച പരിഹരിക്കുന്നതിനാണ് നിയന്ത്രണം. ചോര്‍ച്ച പരിഹരിക്കുന്നതിനായി അടിയന്തര അറ്റകുറ്റപ്പണി നടത്തുന്നതുമായി ബന്ധപ്പെട്ട് വാല്‍വ് നിയന്ത്രണം ഏര്‍പ്പെടുത്തുന്നതിനാലാണ് ജലവിതരണം മുടങ്ങുന്നത്.

ശാസ്തമംഗലം, പൈപ്പിന്മൂട്, ഊളന്‍പാറ, വെള്ളയമ്പലം, കവടിയാര്‍, നന്തന്‍കോട്, ജവഹര്‍നഗര്‍ എന്നിവിടങ്ങളില്‍ ആണ് ഇന്ന് ജലവിതരണം മുടങ്ങുക.

ജനങ്ങള്‍ വേണ്ട മുന്‍കരുതല്‍ സ്വീകരിക്കണമെന്ന് നേരത്തെ ജല അതോറിറ്റി അറിയിച്ചു. ശനിയാഴ്ച രാത്രി എട്ടു മണി വരെയാണ് നിയന്ത്രണം ഏര്‍പ്പെടുത്തിയിട്ടുള്ളത്.