എഡിഎം നവീൻ ബാബുവിന്റെ മരണത്തിൽ പ്രതിയായ പിപി ദിവ്യയ്ക്ക് കഴിഞ്ഞ ദിവസം  ജാമ്യം കിട്ടിയിരുന്നു. എന്നാൽ  ജാമ്യഹർജിക്കെതിരെ നവീൻ ബാബുവിൻ്റെ കുടുംബം ഹൈക്കോടതിയെ സമീപിക്കാൻ ഒരുങ്ങുകയാണ്. കുടുംബം ഹൈക്കോടതിയിയെ സമീപിക്കുന്നത്  പിപി ദിവ്യയുടെ ജാമ്യം റദ്ദാക്കണമെന്ന ആവശ്യവുമായിട്ടാണ്  .

ഗൂഢാലോചന ഉൾപ്പെടെ അന്വേഷിക്കണമെന്നും കുടുംബം ആവശ്യപ്പെടുന്നുണ്ട് . എസ്ഐടി അന്വേഷണം കാര്യക്ഷമമല്ലെന്നും   കോടതിയെ ബോധ്യപ്പെടുത്തും. നവീൻ ബാബുവിൻ്റെ ഭാര്യ മഞ്ജുഷ കൂടുതൽ പ്രതികരിക്കാനില്ലെന്നായിരുന്നു ഇന്നലെ   പറഞ്ഞത്.

അതേസമയം ജയിൽ മോചിതയായ ശേഷം  എഡിഎം നവീൻ ബാബുവിൻ്റെ മരണത്തിൽ ദുഃഖമുണ്ടെന്നാണ്  പിപി ദിവ്യ പറഞ്ഞത് . സദുദ്ദേശപരമായിരുന്നു ഇടപെടലെന്നും  നിരപരാധിത്വം തെളിയിക്കുമെന്നും ദിവ്യ പറഞ്ഞു. 11 ദിവസത്തെ ജയിൽ വാസത്തിന് ശേഷമാണ് പിപി ദിവ്യ ജയിൽ മോചിതയായത്.  . മാധ്യമങ്ങളുടെ മറ്റു ചോദ്യങ്ങളോട് ദിവ്യ പ്രതികരിച്ചിരുന്നില്ല.