തിരുവനന്തപുരം മാനവീയം വീഥിക്കു സമീപം യുവാവിനെ കുത്തി പരിക്കേൽപ്പിച്ചു.  വെമ്പായം തേക്കട സ്വദേശി ഷിജിത്തിനാണ് കുത്തേറ്റത്.   പൊലീസിന്റെ റൗഡി ലിസ്റ്റിലുള്ള  വ്യക്തിയാണ്    കേസിൽ സുഹൃത്തായ യുവതിയെ പൊലീസ് അറസ്റ്റ് ചെയ്തു. പെൺകുട്ടി അ‍ഞ്ചാം പ്രതിയാണ്. പത്തനംതിട്ട മലയാലപ്പുഴ ഏറം സ്വദേശിയായ പെൺകുട്ടിയെയാണ്     മ്യൂസിയം പൊലീസ് അറസ്റ്റ് ചെയ്തത്.

ഷിജിത്തിന്റെയും പ്രതികളുടെയും സുഹൃത്താണ് പെൺക്കുട്ടി . പ്രതികളുടെ നിർദേശപ്രകാരം ഷിജിത്തിനെ സ്നേഹയാണ് മാനവീയംവീഥിയിലേക്കു വിളിച്ചു വരുത്തിയത്. ഷിജിത്തിനെ കാറിൽ കയറ്റി മെഡിക്കൽകോളജ് ആശുപത്രിയിൽ എത്തിച്ച ശേഷം പ്രതികൾക്കൊപ്പം ട്രെയിൻ മാർഗം സ്നേഹ കടന്നു കളഞ്ഞു .
 
സുഹൃത്തുക്കളായിരുന്ന ഷിജിത്തും ഷിയാസും മാസങ്ങൾക്കു മുൻപ് പിരിഞ്ഞിരുന്നു. ലഹരി കേസുകളിൽ ഷിയാസിനെ അടുത്തിടെ പൊലീസ് പിടികൂടി.  ഷിജിത്ത് ആണ് ഒറ്റിയതെന്ന സംശയത്തിന്റെ അടിസ്ഥാനത്തിലാണ്  വിളിച്ച് വരുത്തി  ആക്രമിച്ചത്.