മോതിരം വാങ്ങാനെന്ന വ്യാജേനയെത്തി രണ്ടംഗ സംഘം ജ്വല്ലറിയില്‍ നിന്ന് കവര്‍ന്നത് എട്ടു പവനോളം....
മോതിരം വാങ്ങാനെന്ന വ്യാജേനയെത്തി രണ്ടംഗ സംഘം ജ്വല്ലറിയില്‍ നിന്ന് കവര്‍ന്നത് എട്ടു പവനോളം.... ഇതര സംസ്ഥാനക്കാര്‍ സ്വര്‍ണം മോഷ്ടിക്കുന്നതിന്റെ സിസിടിവി ദൃശ്യങ്ങള്‍ ലഭ്യമായിട്ടുണ്ട്.
കേച്ചേരി വടക്കാഞ്ചേരി റോഡിലെ പോള്‍ ജ്വല്ലറിയില്‍ നിന്നാണ് സ്വര്‍ണ്ണം കവര്‍ന്നത്. കുട്ടികളുടെ മോതിരം ആവശ്യപ്പെട്ടു കൊണ്ടാണ് തിങ്കളാഴ്ച വൈകുന്നേരം രണ്ടരയോടെ രണ്ട് ഇതര സംസ്ഥാനക്കാര്‍ ജ്വല്ലറിയിലേക്ക് വന്നത്.
സ്ഥാപനത്തിലെ ജീവനക്കാരന്‍ മോതിരങ്ങള്‍ കാണിച്ചു കൊടുക്കുന്ന സമയത്ത് കൂട്ടത്തില്‍ ഉണ്ടായിരുന്ന ഒരാള്‍ ജീവനക്കാരന്‍ അറിയാതെ സമീപത്തു വച്ചിരുന്ന ഏലസ്സുകളും കമ്മലുകളും അടങ്ങിയ പെട്ടി ഷര്‍ട്ടിന്റെ പോക്കറ്റിലേക്ക് ഇടുന്നത് സിസിടിവി ദൃശ്യങ്ങളില്‍ വ്യക്തമാണ്.
രാത്രി കട അടയ്ക്കുന്നതിനു മുന്നോടിയായി സ്‌റ്റോക്ക് എടുക്കുമ്പോള്‍ മാത്രമാണ് മോഷണം നടന്ന വിവരം കടയിലുണ്ടായിരുന്നവര്‍ അറിയുന്നത്. സ്വര്‍ണത്തില്‍ കുറവ് വന്നതിനെ തുടര്‍ന്ന് സ്ഥാപനത്തിലെ സിസിടിവി ദൃശ്യങ്ങള്‍ പരിശോധിച്ചപ്പോള്‍ ഇതര സംസ്ഥാനക്കാര്‍ മോഷണം നടത്തുന്നതിന്റെ ദൃശ്യങ്ങള്‍ അതില്‍ നിന്ന് ലഭിച്ചത്. തുടര്‍ന്ന് കുന്നംകുളം പോലീസില്‍ പരാതി നല്‍കി. കുന്നംകുളം പോലീസ് സ്ഥലത്തെത്തി പ്രാഥമിക അന്വേഷണം തുടങ്ങി
https://www.facebook.com/Malayalivartha
