മുതിര്‍ന്ന കോണ്‍ഗ്രസ് നേതാവും മുന്‍മന്ത്രിയുമായ എം.ടി.പത്മ അന്തരിച്ചു... വാര്‍ദ്ധക്യസഹജമായ അസുഖത്തെ തുടര്‍ന്നായിരുന്നു അന്ത്യം
മുതിര്‍ന്ന കോണ്‍ഗ്രസ് നേതാവും മുന്‍മന്ത്രിയുമായ എം.ടി.പത്മ (81) അന്തരിച്ചു. വാര്‍ദ്ധക്യസഹജമായ അസുഖത്തെ തുടര്‍ന്ന് മുംബയിലായിരുന്നു അന്ത്യം. ഏറെനാളായി മുംബയില്‍ മകള്‍ ബിന്ദു രാധാകൃഷ്ണനൊപ്പമായിരുന്നു താമസം.
മൃതദേഹം ഇന്നുച്ചയ്ക്ക് ഒരുമണിയോടെ കോഴിക്കോട്ടെത്തിക്കും. മൂന്നു മണിക്ക് ഡി.സി.സി ഓഫീസില്‍ പൊതുദര്‍ശനമുണ്ടാകും. തുടര്‍ന്ന് മൃതദേഹം കോഴിക്കോട് മെഡിക്കല്‍ കോളേജ് ആശുപത്രി മോര്‍ച്ചറിയിലേക്ക് മാറ്റും. നാളെ രാവിലെ വെള്ളയില്‍ ഗാന്ധി റോഡിന് സമീപത്തെ വീട്ടില്‍ പൊതുദര്‍ശനം. 11ന് വെസ്റ്റ് ഹില്‍ ശ്മശാനത്തില്‍ സംസ്‌കാരം.1991ലെ കെ.കരുണാകരന്‍ മന്ത്രിസഭയിലും തുടര്‍ന്നുവന്ന എ.കെ.ആന്റണി മന്ത്രിസഭയിലും ഫിഷറീസ്, ഗ്രാമവികസന, രജിസ്‌ട്രേഷന്‍ മന്ത്രിയായിരുന്നു.
1987ലും 1991ലുംകൊയിലാണ്ടിയില്‍ നിന്ന് നിയമസഭാംഗമായി. 2013ല്‍ കോഴിക്കോട് കോര്‍പ്പറേഷന്‍ പ്രതിപക്ഷ നേതാവായി. കണ്ണൂര്‍ മുണ്ടൂക്ക് എ.ഗോവിന്ദന്റെയും സി.ടി.കൗസല്യയുടെയും മകളാണ്. ഭര്‍ത്താവ്: പരേതനായ രാധാകൃഷ്ണന്‍. മകന്‍: അര്‍ജുന്‍ രാധാകൃഷ്ണന്‍.
https://www.facebook.com/Malayalivartha
