ആലുവയില്‍ വാഹനാപകടത്തില്‍ വയോധികന് ദാരുണാന്ത്യം. ആലുവ തോട്ടയ്ക്കാട്ടുകര കൂവക്കാട്ടില്‍ മുഹമ്മദ് കുഞ്ഞാണ് ധ63പ മരിച്ചത്. മകനൊപ്പം ആശുപത്രിയിലേക്ക് ബൈക്കില്‍ പോകവെ ജി.സി.ഡി.എ റോഡില്‍ വച്ച് വാഹനം തെന്നി മറിഞ്ഞാണ് അപകടം സംഭവിച്ചത്. മുഹമ്മദ് കുഞ്ഞിനെ ഉടന്‍ ആശുപത്രിയിലെത്തിച്ചുവെങ്കിലും ജീവന്‍ രക്ഷിക്കാന്‍ കഴിഞ്ഞില്ല.

അതിനിടെ, കണ്ണൂര്‍ മുണ്ടേരി പാലത്തിന് സമീപത്തായി ബൈക്കും പിക്കപ്പും തമ്മില്‍ കൂട്ടിയിടിച്ച് ബൈക്ക് യാത്രക്കാരായ രണ്ട് യുവാക്കള്‍ മരിച്ചു. കയ്യങ്കോട്ട് സ്വദേശി അജാസ്, കണ്ണാടിപ്പറമ്പ് സ്വദേശി വിഷ്ണു എന്നിവരാണ് മരിച്ചത്. മുണ്ടേരി ഭാഗത്തേക്ക് പോവുകയായിരുന്ന പിക്കപ്പും കണ്ണാടിപ്പറമ്പ് ഭാഗത്തേക്ക് വരികയായിരുന്ന ബൈക്കും തമ്മില്‍ കൂട്ടിയിടിച്ചാണ് അപകടം സംഭവിച്ചത്. സംഭവ സ്ഥലത്തുവെച്ചുതന്നെ ഇരുവരും മരിച്ചു.