പ്രശസ്ത യോഗ പരിശീലകനും യോഗ ഇതിഹാസം കൃഷ്ണ പട്ടാഭി ജോയിസിന്റെ ചെറുമകനുമായ ശരത് ജോയിസ് ഹൃദയാഘാതത്തെ തുടര്‍ന്ന് അന്തരിച്ചു
പ്രശസ്ത യോഗ പരിശീലകനും യോഗ ഇതിഹാസം കൃഷ്ണ പട്ടാഭി ജോയിസിന്റെ ചെറുമകനുമായ ശരത് ജോയിസ് (53) ഹൃദയാഘാതത്തെ തുടര്‍ന്ന് അന്തരിച്ചു.
തിങ്കളാഴ്ച യുഎസിലെ വിര്‍ജീനിയയിലാണ് അന്തരിച്ചത്. ഷാര്‍ലറ്റ്സ്വില്ലെയിലെ വിര്‍ജീനിയ സര്‍വകലാശാലയ്ക്ക് സമീപം നടക്കുമ്പോഴാണ് ഹൃദയാഘാതമുണ്ടായത്. ശരത് അന്തരിച്ചതായി സഹോദരി ശര്‍മിള മഹേഷ് സ്ഥിരീകരിച്ചു. ജോയിസിന്റെ യോഗാ കേന്ദ്രമായ ശരത് യോഗ സെന്ററും അദ്ദേഹത്തിന്റെ വിയോഗ വാര്‍ത്ത സ്ഥിരീകരിക്കുകയും ചെയ്തു.
വിര്‍ജീനിയ സര്‍വകലാശാലയില്‍ സെമിനാറില്‍ പങ്കെടുക്കാനാണ് ശരത് എത്തിയത്. 50 ഓളം വിദ്യാര്‍ത്ഥികളുമായി അദ്ദേഹം കാല്‍നടയാത്ര നടത്തവെയാണ് ഹൃദയാഘാതമുണ്ടായത്. ഭൗതിക ശരീരം ജന്മനാടായ മൈസൂരിലേക്ക് കൊണ്ടുവരാനുള്ള നടപടികള്‍ തുടങ്ങി.
നവംബറില്‍ ടെക്‌സാസിലെ സാന്‍ അന്റോണിയോയില്‍ യോഗ ക്ലാസുകള്‍ നടത്താന്‍ ഷെഡ്യൂള്‍ ചെയ്തിരുന്നു. ആയിരക്കണക്കിന് ശിഷ്യന്മാരുള്ള ഗുരുവാണ് ശരത്. യോഗ മാസ്റ്ററായ മുത്തച്ഛന്‍ കൃഷ്ണ പട്ടാഭി ജോയിസില്‍ നിന്നാണ് ജോയിസ് യോഗ പഠിച്ചത്.
"
https://www.facebook.com/Malayalivartha
