ശബരിമല മണ്ഡല-മകരവിളക്ക് ഉത്സവത്തോടനുബന്ധിച്ച് റെയില്‍വേ ആദ്യഘട്ടത്തില്‍ ചെങ്ങന്നൂര്‍ വഴി ഏഴു പ്രത്യേക തീവണ്ടികള്‍ ഓടിക്കും. ഇവയ്ക്ക് ചങ്ങനാശ്ശേരിയിലും സ്റ്റോപ്പുണ്ടാകും

രണ്ടാംഘട്ടത്തില്‍ 11 സ്‌പെഷ്യല്‍ തീവണ്ടികളോടിക്കാനുള്ള നിര്‍ദേശം ദക്ഷിണറെയില്‍വേ റെയില്‍വേ കൊമേഴ്സ്യല്‍ വിഭാഗത്തിനു സമര്‍പ്പിച്ചു.
തിരുവനന്തപുരം നോര്‍ത്ത് - എസ്.എം.വി.ടി. ബെംഗളൂരു (06083/83), മൗലാ അലി (ഹൈദരാബാദ്)-കൊല്ലം (07141/42), ഹുസൂര്‍ സാഹിബ് നന്ദേഡ്-കൊല്ലം (07139/40), എം.ജി.ആര്‍. ചെന്നൈ - കൊല്ലം എ.സി. ഗരീബ് എക്‌സ്പ്രസ് (06119/20), എം.ജി.ആര്‍. ചെന്നൈ- കൊല്ലം (06117/18), എം.ജി.ആര്‍. ചെന്നൈ- കൊല്ലം (06113/14), എം.ജി.ആര്‍. ചെന്നൈ- കൊല്ലം (06111/12) എന്നീ തീവണ്ടികളാണ് അനുവദിച്ചത്.

തീര്‍ഥാടകരുടെയും യാത്രക്കാരുടെയും ആവശ്യം പരിഗണിച്ച്, തിരുവനന്തപുരം-നിസാമുദ്ദീന്‍ സൂപ്പര്‍ഫാസ്റ്റ് എക്‌സ്പ്രസിന് ചെങ്ങന്നൂര്‍ റെയില്‍വേ സ്റ്റേഷനില്‍ സ്റ്റോപ്പനുവദിക്കുകയും ചെയ്തു. മണ്ഡലകാലം പരിഗണിച്ച് ഈ മാസം 16 മുതല്‍ അടുത്തമാസം 20 വരെയാണ് താത്കാലികമായി സ്റ്റോപ്പനുവദിച്ചിട്ടുള്ളത്.