മാലിന്യത്തിന് അനുസരിച്ച് ഫീസ് കൂട്ടാന്‍ അനുമതി...അജൈവ മാലിന്യം ശേഖരിക്കുന്നതിന് ഹരിതകര്‍മസേനയ്ക്ക് കൂടുതല്‍ യൂസര്‍ ഫീ ഈടാക്കാമെന്നു വ്യക്തമാക്കി തദ്ദേശ വകുപ്പ്
മാലിന്യത്തിന് അനുസരിച്ച് ഫീസ് കൂട്ടാന്‍ അനുമതി...അജൈവ മാലിന്യം ശേഖരിക്കുന്നതിന് ഹരിതകര്‍മസേനയ്ക്ക് കൂടുതല്‍ യൂസര്‍ ഫീ ഈടാക്കാമെന്നു വ്യക്തമാക്കി തദ്ദേശ വകുപ്പ്
നിലവില്‍ സ്ഥാപനങ്ങള്‍ക്കു നിശ്ചയിച്ചിരിക്കുന്ന പ്രതിമാസ നിരക്ക് 100 രൂപയാണ്. മാലിന്യത്തിന് ആനുപാതികമായും പ്രദേശത്തിന്റെ ഭൂമിശാസ്ത്രപരമായ പ്രത്യേകതകള്‍ക്ക് അനുസരിച്ചും നിരക്ക് കൂട്ടാനാണ് പുതിയ തീരുമാനമായത്.
വീടുകളില്‍ നിന്ന് അജൈവ മാലിന്യം ശേഖരിക്കാനായി പഞ്ചായത്തുകളില്‍ കുറഞ്ഞത് 50 രൂപയും നഗരസഭകളില്‍ കുറഞ്ഞത് 70 രൂപയും തുടരാമെന്നാണു മാര്‍ഗരേഖയില്‍ പറയുന്നു.
വര്‍ദ്ധിച്ച നിരക്ക് എത്രയെന്നു മാര്‍ഗരേഖയില്‍ ഇല്ല. തിരുവനന്തപുരം ഉള്‍പ്പെടെയുള്ള കോര്‍പറേഷന്‍ മേഖലകളില്‍ വീടുകളില്‍ നിന്നു 100 രൂപയാണ് ഈടാക്കുന്നത്. ഇതു സംബന്ധിച്ച് പുതിയ നിര്‍ദേശങ്ങളില്ല.
നിശ്ചയിക്കുന്ന നിരക്ക് തദ്ദേശ സ്ഥാപന ഭരണസമിതി തീരുമാനമെടുത്തു പ്രസിദ്ധീകരിക്കണം. വലിയ അളവില്‍ മാലിന്യമുള്ള സ്ഥാപനങ്ങളില്‍ നിന്നു പ്രതിമാസം 5 ചാക്ക് വരെ കുറഞ്ഞത് 100 രൂപ നിരക്കിലും അധികമായി വരുന്ന ഓരോ ചാക്കിനും കുറഞ്ഞത് 100 രൂപയും ഈടാക്കണം.
യൂസര്‍ ഫീ നല്‍കാത്ത കെട്ടിട ഉടമകളില്‍ നിന്നു കുടിശിക, വസ്തു നികുതി പോലെ തദ്ദേശ സ്ഥാപന സെക്രട്ടറി ഈടാക്കി തൊട്ടടുത്ത മാസം ഹരിതകര്‍മസേന കണ്‍സോര്‍ഷ്യം അക്കൗണ്ടിലേക്ക് കൈമാറേണ്ടതാണ്.
"
https://www.facebook.com/Malayalivartha
