പാലക്കാട് രാഹുല്‍ മാങ്കൂട്ടത്തില്‍ മുന്നില്‍.... യുഡിഎഫ് ക്യാമ്പില്‍ ആഹ്ലാദം.... നിയമസഭ ഉപതെരഞ്ഞെടുപ്പിന്റെ വോട്ടെണ്ണല്‍ തുടങ്ങിയപ്പോള്‍ പാലക്കാട് ആദ്യ റൗണ്ടില്‍ മുന്നിലെത്തിയത് ബി.ജെ.പി സ്ഥാനാര്‍ഥി സി. കൃഷ്ണകുമാര്‍ ആയിരുന്നെങ്കിലും രണ്ടാം റൗണ്ടില്‍ നേട്ടമുണ്ടാക്കിയ യു.ഡി.എഫ് സ്ഥാനാര്‍ഥി രാഹുല്‍ മാങ്കൂട്ടത്തില്‍ കൃഷ്ണകുമാറിന്റെ ലീഡ് ഗണ്യമായി കുറച്ചു.

ആദ്യ റൗണ്ടില്‍ 1016 വോട്ടിന്റെ ലീഡാണ് കൃഷ്ണകുമാര്‍ നേടിയത്. എന്നാല്‍, ഇത് 2021ല്‍ ആദ്യ റൗണ്ടില്‍ നേടിയതിനെക്കാള്‍ 700 വോട്ട് കുറവാണ്. രണ്ടാം റൗണ്ടില്‍ യു.ഡി.എഫിന്റെ കുതിപ്പാണ് കണ്ടത്. ഇതോടെ സി. കൃഷ്ണകുമാറിന്റെ ലീഡ് 858 ആയി കുറഞ്ഞു.

രണ്ട് റൗണ്ടിലുമായി ബി.ജെ.പിക്ക് 7569 വോട്ടും യു.ഡി.എഫിന് 6711 വോട്ടും എല്‍.ഡി.എഫിന് 4121 വോട്ടുമാണ് ലഭിച്ചത്.

അതേസമയം ചേലക്കരയിലെ ശക്തികേന്ദ്രങ്ങളില്‍ ലീഡ് നിലനിര്‍ത്തി യു ആര്‍ പ്രദീപ്.. വയനാട്ടില്‍ അരലക്ഷം കടന്ന് പ്രിയങ്ക ഗാന്ധി. 68,917 വോട്ടുകള്‍ക്ക് മുന്നിലാണ്.