കെ സുരേന്ദ്രൻ ബിജെപി അധ്യക്ഷ സ്ഥാനത്ത് നിന്ന് മാറേണ്ടതില്ലെന്ന്  പി.സി ജോർജ്ജ്.  തോറ്റാൽ പ്രസിഡന്റിനെ മാറ്റാം എന്നാണെങ്കിൽ ജയിക്കുമ്പോൾ പ്രൊമോഷൻ കൊടുക്കണ്ടേ എന്ന് അദ്ദേഹം ചോദിച്ചു. പാലക്കാട്ടെ തോൽവിക്ക് കാരണം പൊളിറ്റിക്കൽ ഇസ്ലാമെന്നും അദ്ദേഹം പറഞ്ഞു.

അത്  തടയാൻ കെ സുരേന്ദ്രൻ എന്നല്ല ജെ പി നദ്ദ വിചാരിച്ചാലും സാധിക്കില്ലെന്നു അദ്ദേഹം പറഞ്ഞു. പാലക്കാട് മുൻസിപ്പാലിറ്റി ആഗ്രഹിച്ച് സ്ഥാനാർത്ഥിയെ അല്ല അവർക്ക് കിട്ടിയത്. പക്ഷെ ആരെ കുറ്റപ്പെടുത്തും മൂന്നു പേരുടെ പേര് വന്നു.

മൂന്ന് പേരും നിൽക്കില്ല എന്ന് പറഞ്ഞു. അതുകൊണ്ടാണ് കൃഷ്ണകുമാറിനെ സ്‌ഥാനാർഥിയാക്കിയത് ആ വിഷയത്തിൽ ആര് എന്തൊക്കെ പ്രശ്നങ്ങൾ ഉണ്ടാക്കിയിട്ടും കാര്യമില്ലെന്നും അദ്ദേഹം പറഞ്ഞു. പ്രസിഡന്റിനെ മാറ്റാൻ ആണെങ്കിൽ എപ്പോഴും അതിനെ സമയം കാണുകയേ ഉള്ളൂ എന്നും പി സി ജോർജ്ജ് പറഞ്ഞു .