മനുഷ്യ മനഃസാക്ഷിയെ നടുക്കുന്ന ഒരു ദുഃഖ വാർത്ത കേട്ടാണ് കേരളം ഇന്ന് ഉറക്കം എഴുന്നേറ്റിരിക്കുന്നത് .തൃശൂർ∙ നാട്ടികയിൽ തടിലോറി പാഞ്ഞുകയറി നാടോടിസംഘത്തിലെ അഞ്ച് പേർക്ക് ദാരുണാന്ത്യം. വാഹനം വരില്ലെന്ന് ഉറപ്പായിരുന്ന സ്ഥലത്ത് കിടന്നു ഉറങ്ങുകയായിരുന്നവരുടെ ദേഹത്തിലൂടെയാണ് ലോറി കയറിയിറങ്ങിയത്.  

  മരിച്ച നാടോടി സംഘത്തിൽപ്പെട്ടവർ പാലക്കാട് സ്വദേശികളാണെന്നാണ് വിവരം. പാലക്കാട് ഗോവിന്ദാപുരത്തിന് സമീപം ചെമ്മന്തോട് കോളനി നിവാസികളാണ് ഇവരെന്നും കാലങ്ങളായി തൃപ്രയാർ നാട്ടിക ഭാഗങ്ങളിലാണ് ഇവർ താമസിച്ചിരുന്നെന്നും പൊലീസ് പറയുന്നു.'

നാട്ടികയില്‍ അഞ്ച് പേരുടെ ജീവനെടുത്ത വാഹനാപകടത്തിന് കാരണം മദ്യലഹരിയില്‍ വാഹനമോടിച്ചതെന്ന് സംശയം. മദ്യലഹരിയിലായിരുന്ന ക്ലീനറാണ് വാഹനം ഓടിച്ചതെന്നാണ് വിവരം. കണ്ണൂർ ആലങ്കോട് സ്വദേശി അലക്സ്  ആണ് ക്ലീനർ. സംഭവത്തില്‍ ഡ്രൈവറെയും ക്ലീനറെയും അറസ്റ്റ് ചെയ്തിട്ടുണ്ട്. കാളിയപ്പന്‍ (50), നാഗമ്മ (39), ബംഗാഴി (20), ജീവന്‍ (4), മറ്റൊരു കുട്ടി എന്നിവരാണ് മരിച്ചത്. ഏഴ് പേര്‍ക്ക് പരിക്കേറ്റിട്ടുണ്ട്. മൃതദേഹം തൃശൂര്‍ മെഡിക്കല്‍ കോളേജിലേക്ക് മാറ്റി.