ഡല്‍ഹിയിലെ ആര്‍മി ക്വാട്ടേഴ്സ് കെട്ടിടത്തിന് മുകളില്‍ നിന്ന് അബദ്ധത്തില്‍ വീണ് പരിക്കേറ്റ് ചികിത്സയിലായിരുന്ന സൈനികന്‍ മരിച്ചു
ഡല്‍ഹിയിലെ ആര്‍മി ക്വാട്ടേഴ്സ് കെട്ടിടത്തിന് മുകളില്‍ നിന്ന് അബദ്ധത്തില്‍ വീണ് പരിക്കേറ്റ് ചികിത്സയിലായിരുന്ന സൈനികന്‍ മരിച്ചു. കൊയിലാണ്ടി പുളിയഞ്ചേരി ഹെല്‍ത്ത് സെന്ററിന് സമീപത്തായി തവളകുളംകുനി ഹരിചന്ദനം വീട്ടില്‍ പി സജിത്ത് (43) ആണ് മരിച്ചത്.
ആര്‍മി ക്വാര്‍ട്ടേഴ്സ് കെട്ടിടത്തില്‍ നിന്നും അബദ്ധത്തില്‍ വീണതിനെ തുടര്‍ന്ന് രണ്ടാഴ്ചയോളമായി ഡല്‍ഹിയിലെ സൈനിക ആശുപത്രിയില്‍ ചികിത്സയിലായിരുന്നു അദ്ദേഹം. കഴിഞ്ഞ ദിവസം പുലര്‍ച്ചെയോടെയാണ് മരണം സംഭവിച്ചത്. ഡല്‍ഹിയില്‍ ഡിഫെന്‍സ് സര്‍വീസ് കോര്‍പ്സ് അംഗമായിരുന്നു സജിത്ത്.
മൃതദേഹം ഇന്ന് രാത്രി പത്ത് മണിയോടെ പുളിയഞ്ചേരിയില്‍ എത്തിക്കുമെന്ന് ബന്ധുക്കള്‍ . തുടര്‍ന്ന് സംസ്‌കാരം വ്യാഴാഴ്ച രാവിലെ നന്മണ്ടയിലെ തറവാട് വീട്ടുവളപ്പില്‍ നടക്കുന്നതാണ്. പിതാവ്: ബാലന്‍ (മാനന്തവാടി). അമ്മ: ദേവി. ഭാര്യ: ജോഷ്മ. മക്കള്‍: റിതുദേവ്, റിഷിക് ദേവ്. സഹോദരി: താര.
https://www.facebook.com/Malayalivartha
