കോതമംഗലം കുത്തുകുഴിയില്‍ പാല്‍ കയറ്റിവന്ന വാഹനം കാറുമായി കൂട്ടിയിടിച്ചു. നിയന്ത്രണം വിട്ട പാല്‍ വണ്ടി റോഡില്‍ മറിഞ്ഞു. വാഹനത്തില്‍ നിന്ന് അനിയന്ത്രിതമായി പുക ഉണ്ടായത് നാട്ടുകാരെയും വഴിയാത്രക്കാരെയും ആശങ്കയിലാക്കി.

വണ്ടിയുടെ എഞ്ചിന്‍ ഓഫാക്കിയപ്പോള്‍ പുക താനേ നിന്നു. നേര്യമംഗലം ഭാഗത്ത് നിന്ന് കോതമംഗലം ഭാഗത്തേക്ക് വന്ന പാല്‍ വണ്ടി എതിര്‍ ദിശയില്‍ നിന്ന് എത്തിയ കാറുമായാണ് കൂട്ടിയിടിച്ചത്. അപകടത്തില്‍ ആര്‍ക്കും പരുക്കുകളില്ല.