കോഴിക്കോട് മുക്കത്ത് വലിയപറമ്പില്‍ ഒമ്‌നി വാന്‍ വൈദ്യുതി പോസ്റ്റുകളില്‍ ഇടിച്ച് അപകടം... നിസ്സാര പരുക്കുകളോടെ രക്ഷപ്പെട്ട് യാത്രക്കാര്‍
കോഴിക്കോട് മുക്കത്ത് വലിയപറമ്പില്‍ ഒമ്‌നി വാന്‍ വൈദ്യുതി പോസ്റ്റുകളില്‍ ഇടിച്ച് അപകടം... നിസ്സാര പരുക്കുകളോടെ രക്ഷപ്പെട്ട് യാത്രക്കാര്‍.
അപകടത്തില്‍ ഒമ്‌നി വാന്‍ പൂര്‍ണമായും തകര്‍ന്നനിലയിലാണ്. മലപ്പുറം വേങ്ങര സ്വദേശികളാണ് അപകടത്തില്‍പ്പെട്ടത്.
മൂന്നു പേരാണ് കാറിലുണ്ടായിരുന്നത്. ഇന്ന് രാവിലെയാണ് സംഭവം നടന്നത്. ഡ്രൈവര്‍ ഉറങ്ങിപോയതാണ് അപകട കാരണമെന്നാണ് സംശയം. ഇതേ സ്ഥലത്ത് ഇതിന് മുമ്പും വാഹനാപകടം ഉണ്ടായിട്ടുണ്ട്.
ഇതിനിടെ, കോട്ടയം പാലയിലും രാവിലെ വാഹനാപകടമുണ്ടായി. പാലായില്‍ ലോറിയും കാറും കൂട്ടിയിടിച്ചുണ്ടായ അപകടത്തില്‍ ഒരു വയസുള്ള കുട്ടിയുള്‍പ്പെടെ മൂന്നു പേര്‍ക്കാണ് പരുക്കേറ്റത്.
കാര്‍ യാത്രക്കാരായ എലിക്കുളം സ്വദേശികളായ ജയലക്ഷ്മി ( 35) മക്കളായ ലോറല്‍( 4) ഹെയ് ലി ( 1 ) എന്നിവര്‍ക്കാണ് പരിക്കേറ്റത്. പരിക്കേറ്റവരെ പാലായിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. രാവിലെ പാലാ - പൊന്‍കുന്നം റൂട്ടില്‍ പൂവരണിക്ക് സമീപമായിരുന്നു അപകടം നടന്നത്.
"
https://www.facebook.com/Malayalivartha
