സന്നിധാനത്ത് നിന്നും ആറടിയിലേറെ നീളമുള്ള മൂര്‍ഖന്‍ പാമ്പിനെ വനപാലകരെത്തി പിടികൂടി. വ്യാഴാഴ്ച ഉച്ചകഴിഞ്ഞ് മൂന്നു മണിയോടെ ശബരിമല സന്നിധാനം ഗോശാലയ്ക്ക് സമീപത്ത് നിന്നുമാണ് പാമ്പിനെ പിടികൂടിയത്.

ഗോശാലയ്ക്ക് സമീപത്തെ റോഡിനോട് ചേര്‍ന്ന് പാമ്പിനെ കണ്ട ദേവസ്വം താല്‍ക്കാലിക ജീവനക്കാര്‍ ബഹളം വയ്ക്കുകയായിരുന്നു. ഇതോടെ പാമ്പ് സമീപത്ത് ഉപേക്ഷിക്കപ്പെട്ട നിലയില്‍ കിടന്നിരുന്ന പിവിസി പൈപ്പിനുള്ളില്‍ ഒളിച്ചു. തുടര്‍ന്ന് വനപാലക സംഘം ഏറെ പണിപ്പെട്ട് പാമ്പിനെ പിടികൂടുകയായിരുന്നു.