സന്നിധാനത്ത് നിന്നും  മൂർഖൻ പാമ്പിനെ   പിടികൂടി. ആറടിയിലേറെ നീളമുള്ള പാമ്പിനെ വനപാലകരെത്തിയാണ് പിടിക്കൂടിയത് . വ്യാഴാഴ്ച ഉച്ചകഴിഞ്ഞ് മൂന്നു മണിയോടെ സന്നിധാനം ഗോശാലയ്ക്ക് സമീപത്ത് നിന്നുമായിരുന്നു പാമ്പിനെ പിടികൂടിയത്.

ഗോശാലയ്ക്ക് സമീപത്തെ റോഡിനോട് ചേർന്ന് പാമ്പിനെ കണ്ടു .  ദേവസ്വം താൽക്കാലിക ജീവനക്കാരാണ് പാമ്പിനെ കണ്ടത്. ഇവർ ബഹളം വയ്ക്കുകയായിരുന്നു. ഇതോടെ പാമ്പ് സമീപത്ത് ഉപേക്ഷിക്കപ്പെട്ട നിലയിൽ കിടന്നിരുന്ന പിവിസി പൈപ്പിനുള്ളിൽ ഒളിച്ചു. തുടർന്ന് വിവരം അറിഞ്ഞെത്തിയ വനപാലക സംഘം  പാമ്പിനെ പിടികൂടി .