പള്ളിയില്‍ പോയ 65 വയസുകാരിയുടെ മൂന്നുപവന്റെ മാല ബൈക്കിലെത്തി പൊട്ടിച്ച് കടന്നുകളഞ്ഞു.... മുപ്പതോളം ക്രിമിനല്‍ കേസിലെ പ്രതി അറസ്റ്റില്‍
പള്ളിയില്‍ പോയ 65 വയസുകാരിയുടെ മൂന്നുപവന്റെ മാല ബൈക്കിലെത്തി പൊട്ടിച്ച് കടന്നുകളഞ്ഞു.... മുപ്പതോളം ക്രിമിനല്‍ കേസിലെ പ്രതി അറസ്റ്റില്‍.
തോമസ് കുര്യക്കോസ് (പാപ്പന്‍ ബിനു കൂടത്തിട്ട്, 45) നെയാണ് പൊലീസ് പിടികൂടിയത്. തൃക്കൊടിത്താനം കാലായിപ്പടി ഭാഗത്ത് കഴിഞ്ഞദിവസം പുലര്‍ച്ചെ 5.30 ഓടെയായിരുന്നും സംഭവം നടന്നത്. ജില്ലാ പൊലീസ് മേധാവി എ.ഷാഹുല്‍ ഹമീദിന്റെ റിപ്പോര്‍ട്ടിന്റെ അടിസ്ഥാനത്തില്‍ ഇയാളെ കാപ്പ നിയമപ്രകാരം നാടുകടത്തിയതാണ്.
തുടര്‍ന്ന് ആലപ്പുഴ മണ്ണഞ്ചേരി ഭാഗത്തായിരുന്നു താമസം. പോള്‍ മുത്തൂറ്റ് വധക്കേസില്‍ ഉള്‍പ്പെടെ പ്രതിയായ ഇയാളെ പിന്നീട് മാപ്പുസാക്ഷിയാക്കിയിട്ടുണ്ടായിരുന്നു. ചങ്ങനാശേരി ഡിവൈ.എസ്.പി എ.കെ വിശ്വനാഥന്റെയും, തൃക്കൊടിത്താനം എസ്.എച്ച്.ഒ എം.ജെ അരുണിന്റെയും നേതൃത്വത്തില്‍ നടത്തിയ അന്വേഷണത്തിലാണ് ഇയാള്‍ വലയിലായത്. പ്രതിയെ റിമാന്‍ഡിലാക്കി.
"
https://www.facebook.com/Malayalivartha
