മലപ്പുറം ലഹരിവേട്ടയില്‍ ഒരാള്‍ കൂടി പിടിയിയില്‍. മലപ്പുറത്ത് 510 ഗ്രാം എംഡിഎംഎ പിടിച്ചെടുത്ത സംഭവത്തിലാണ് ഒരാള്‍ കൂടി പിടി.ിലായത്. മലപ്പുറം ചെമ്മാട് സ്വദേശി അബു ത്വാഹിര്‍ ആണ് കസ്റ്റഡിയിലുള്ളത്. അതേസമയം കൊച്ചിയില്‍ നിന്നെത്തുന്ന നടിമാര്‍ക്ക് നല്‍കാനാണ് എംഡിഎംഎ കൈവശം വെച്ചതെന്നാണ് സംഭവത്തില്‍ ആദ്യം പിടിയിലായ കാളികാവ് സ്വദേശി മുഹമ്മദ് ഷബീബ് പൊലീസിനോട് പറഞ്ഞത്. പ്രതിയുടെ മൊഴി പ്രകാരമുള്ള വിവരം വിശദമായി പരിശോധിക്കുമെന്ന് പൊലീസ് അറിയിച്ചു.

വഴക്കാട് പോലീസ് സ്റ്റേഷന്റെ പരിധിയിലുള്ള സ്വകാര്യ റിസോര്‍ട്ടിന്റെ പാര്‍ക്കിംഗ് ഗ്രൗണ്ടില്‍ കാറില്‍ നിന്നാണ് എംഡിഎ പിടിച്ചെടുത്തത്. ഒമാനില്‍ നിന്ന് എത്തിച്ച എംഡിഎംഎ മറ്റൊരാളുടെ കയ്യില്‍ നിന്ന് വാങ്ങുകയായിരുന്നു എന്നാണ് സംഭവത്തില്‍ മുഹമ്മദ് ഷബീബ് പൊലീസിനോട് പറഞ്ഞത്.

എറണാകുളത്ത് നിന്ന് എത്തുന്ന നടിമാര്‍ക്ക് കൈമാറാനാണ് എംഡിഎംഎ എത്തിച്ചതെന്നും ഇയാള്‍ പറഞ്ഞു. ഇത് പ്രകാരം അന്വേഷിച്ചതിന്റെ അടിസ്ഥാനത്തിലാണ് അബു ത്വാഹിര്‍ പിടിയിലായത്. ഒമാനില്‍ ജോലി ചെയ്യുന്ന ഇയാളാണ് എംഡിഎം എത്തിച്ചതെന്നായിരുന്നു ഷബീബ് പറഞ്ഞത്.