ക്രിസ്മസ് ദിനത്തില്‍ തിരുവനന്തപുരത്ത് കടലില്‍ കുളിക്കാനിറങ്ങിയ വിദ്യാര്‍ഥി മരിച്ചു
25 DECEMBER 2024 10:22 PM IST
മലയാളി വാര്‍ത്ത
ക്രിസ്മസ് ദിനത്തില്‍ കണ്ണീരിലാക്കി കടലില്‍ കുളിക്കാനിറങ്ങിയ ഒരു വിദ്യാര്‍ഥി മരിച്ചു. രണ്ടു വിദ്യാര്‍ഥികളെ കാണാതായി. തിരുവനന്തപുരം മര്യനാട് ഉച്ചയ്ക്ക് കടലില്‍ കുളിക്കാനിറങ്ങിയ പ്രദേശവാസിയായ ജോഷ്വാ (19) ആണ് മരിച്ചത്. മൃതദേഹം മോര്‍ച്ചറിയിലേക്ക് മാറ്റി.
സെന്റ് ആന്‍ഡ്രൂസില്‍ പഞ്ചായത്തുനട സ്വദേശിയായ പ്ലസ്ടു വിദ്യാര്‍ഥി നെവിന്‍ (18) ആണ് ഒഴുക്കില്‍പ്പെട്ട് കാണാതായ മറ്റൊരു വിദ്യാര്‍ഥി. രാവിലെ പത്തുമണിയോടെ സുഹൃത്തുക്കള്‍ക്കൊപ്പം കുളിക്കാനിറങ്ങിയ നെവിന്‍ കടലില്‍ മുങ്ങിത്താഴുകയായിരുന്നു.
സുഹൃത്തുക്കള്‍ നെവിനെ രക്ഷിക്കാന്‍ ശ്രമിച്ചെങ്കിലും സാധിച്ചില്ല. അഞ്ചുതെങ്ങില്‍ കടലില്‍ കുളിക്കാനിറങ്ങിയ അരുണിനെയും കാണാതായി. തീരദേശ പോലീസും മത്സ്യതൊഴിലാളികളും തിരച്ചില്‍ നടത്തിയെങ്കിലും കണ്ടെത്താനായില്ല.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
