പകരം ചോദിക്കാനെത്തി... കൊലപാതകത്തില്‍ കലാശിച്ചു... കൊടകരയില്‍ ക്രിസ്മസ് ദിനത്തിലുണ്ടായ കത്തിക്കുത്തില്‍ രണ്ട് യുവാക്കള്‍ മരിച്ചു...
പകരം ചോദിക്കാനെത്തി... കൊലപാതകത്തില്‍ കലാശിച്ചു... കൊടകരയില്‍ ക്രിസ്മസ് ദിനത്തിലുണ്ടായ കത്തിക്കുത്തില്‍ രണ്ട് യുവാക്കള്‍ മരിച്ചു...
വട്ടേക്കാട് കല്ലിങ്ങപ്പുറം സുബ്രന്റെ മകന്‍ സുജിത്ത് (30), സമീപവാസി മഠത്തിക്കാടന്‍ സജീവന്റെ മകന്‍ അഭിഷേക് (24) എന്നിവരാണു കുത്തേറ്റു മരിച്ചത്. നാലു വര്‍ഷം മുന്‍പത്തെ ക്രിസ്മസ് ദിനത്തില്‍ വീട് കയറി ആക്രമിച്ചതിന് പകരം ചോദിക്കാനായി എത്തിയവര്‍ തമ്മിലുണ്ടായ ഏറ്റുമുട്ടലാണ് കൊലപാതകത്തില്‍ കലാശിച്ചത്.
അക്രമസംഭവങ്ങളുടെ തുടക്കംനാലു വര്‍ഷം മുന്‍പ് ക്രിസ്മസ് ദിനത്തിലാണ് . അന്നുണ്ടായ അക്രമണത്തില്‍ വിവേകിനെ സുജിത്ത് കുത്തിപ്പരുക്കേല്‍പ്പിച്ചിരുന്നു. ഇതിന് പ്രതികാരം ചെയ്യാനാണ് വിവേക്, സുഹൃത്തുക്കളായ അഭിഷേക്, ഹരീഷ് എന്നിവര്‍ക്കൊപ്പം സുജിത്തിന്റെ വീട് ആക്രമിച്ചത്.
11.30ന് സുജിത്തിന്റെ വീട്ടില്‍ എത്തിയ സംഘം ആദ്യം ആക്രമിച്ചത് സുജിത്തിനെയാണ്. ഏറ്റുമുട്ടലിനിടെ അഭിഷേകിനും കുത്തേറ്റു. കുത്തേറ്റ വിവേകിനെ ഗുരുതര പരുക്കുകളോടെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.
സുജിത്തിന്റെ സഹോദരന്‍ സുധീഷിനും പരിക്കുണ്ട്. മൃതദേഹങ്ങള്‍ മെഡിക്കല്‍ കോളജ് ആശുപത്രിയില്‍ പോസ്റ്റ്‌മോര്‍ട്ടത്തിന് ശേഷം ബന്ധുക്കള്‍ക്കു വിട്ടുനല്‍കി.
"
https://www.facebook.com/Malayalivartha
