ഇടുക്കി നെടുങ്കണ്ടത്ത് ഓട്ടോയില്‍ നിന്ന് പുറത്തേക്ക് തെറിച്ചു വീണ് പരുക്കേറ്റ് ചികിത്സയിലായിരുന്ന യുവതി മരിച്ചു. നെടുങ്കണ്ടം ഇലവും കടത്തില്‍ സുല്‍ഫത്ത് നിജാസാണ് മരിച്ചത്.

നെടുങ്കണ്ടം ടൗണിലൂടെ ഓട്ടോയില്‍ സഞ്ചരിക്കവേ കഴിഞ്ഞ ദിവസമാണ് സുല്‍ഫത്ത് പുറത്തേക്ക് തെറിച്ചു പോയത്. ഉയര്‍ന്ന രക്തസമ്മര്‍ദ്ദത്തെ തുടര്‍ന്ന് ആശുപത്രിയിലേക്ക് പോകുന്ന വഴി ഛര്‍ദ്ദിക്കാനായി പുറത്തേക്ക് തലയിട്ടപ്പോഴാണ് സുല്‍ഫത്ത് റോഡിലേക്ക് വീണത്. തലയ്‌ക്കേറ്റ പരുക്കാണ് മരണകാരണമായത്.