വടക്കഞ്ചേരി ദേശീയ പാതയില്‍ ബൈക്കിടിച്ച് പരിക്കേറ്റ് ചികിത്സയിലിരുന്ന അയ്യപ്പ ഭക്തന്‍ മരിച്ചു....ശബരിമലയ്ക്ക് കാല്‍ നടയായി വരികയായിരുന്ന അയ്യപ്പ ഭക്ത സംഘത്തിലെ കൗണ്ടം പാളയം സ്വദേശി ശ്രീനാഥ് (30)ആണ് മരിച്ചത്.

വട്ടക്കല്ലിനു സമീപമാണ് അപകടമുണ്ടായത്. കാല്‍ നടയായി പോകുകയായിരുന്ന സംഘത്തിലെ ശ്രീനാഥിനെ ബൈക്കിടിച്ചു വീഴ്ത്തുകയായിരുന്നു. തലയ്ക്ക് ഗുരുതര പരിക്കേല്‍ക്കുകയും ചെയ്തു.

തൃശൂരിലെ സ്വകാര്യ ആശുപത്രിയില്‍ ചികിത്സയിലിരിക്കെയാണ് മരണം സംഭവിച്ചത്. കോയമ്പത്തൂര്‍ തൊടിയല്ലൂര്‍ സ്റ്റേഷനിലെ പൊലീസുകാരനാണ് ശ്രീനാഥ്.