മണ്ഡലകാലത്ത് ശബരിമല ദര്‍ശനത്തിന് എത്തിയ തീര്‍ഥാടകരുടെ എണ്ണത്തില്‍ വര്‍ധന. 32.49 ലക്ഷം തീര്‍ഥാടകരാണ് ഈ വര്‍ഷം അയ്യപ്പ ദര്‍ശനത്തിന് എത്തിയത്.

കഴിഞ്ഞ വര്‍ഷം ഇത് 28.42 ലക്ഷമായിരുന്നു. 4.07 ലക്ഷത്തിന്റെ വര്‍ധനവാണ് ഇത്തവണയുണ്ടായത്. വരുമാനത്തില്‍ 82.23 കോടി രൂപയുടെയും വര്‍ധനവുമുണ്ടായി.

കഴിഞ്ഞ വര്‍ഷം ഇത് 4.02 ലക്ഷം പേരായിരുന്നു. പുല്ലുമേട് കാനന പാതയിലൂടെ ഇത്തവണ 74,774 പേരെത്തി. ഈ വര്‍ഷത്തെ ആകെ വരുമാനം 297.06 കോടി രൂപയാണ്. കഴിഞ്ഞ വര്‍ഷം ഇത് 214.82 കോടിയായിരുന്നു.
സ്‌പോട് ബുക്കിങ് വഴി എത്തിയത് 5.66 ലക്ഷം തീര്‍ഥാടകരാണ്.

അരവണ വില്‍പനയിലൂടെ 124.02 കോടി രൂപ ലഭിച്ചു.. കാണിക്ക ഇനത്തില്‍ 80.25 കോടി രൂപ ലഭിച്ചു. ജനുവരി 14 നാണ് മകരവിളക്ക്. എരുമേലി പേട്ട 11 ന് നടക്കും. പന്തളത്തു നിന്നുള്ള തിരുവാഭരണ ഘോഷയാത്ര 12 ന് പുറപ്പെടും.

13 ന് പമ്പ വിളക്കും സദ്യയും നടക്കും. 14 ന് തിരുവാഭരണ ഘോഷയാത്ര സന്നിധാനത്തെത്തും. തിരുവാഭരണം അയ്യപ്പവിഗ്രഹത്തില്‍ ചാര്‍ത്തി ദീപാരാധന നടക്കുമ്പോള്‍ പൊന്നമ്പലമേട്ടില്‍ മകരജ്യോതി തെളിയുകയും ചെയ്യും. തീര്‍ഥാടനം പൂര്‍ത്തിയാക്കി 20 ന് ക്ഷേത്രനട അടയ്ക്കും.