ബഹിരാകാശത്ത് ഇരട്ട ഉപഗ്രഹങ്ങളെ കൂട്ടി യോജിപ്പിക്കുന്ന ഡോക്കിങ് പരീക്ഷണം ഐഎസ്ആര്‍ഒ വ്യാഴാഴ്ചത്തേക്ക് മാറ്റി. ഇന്ന് നടത്താനിരുന്ന ദൗത്യം നേരിയ സാങ്കേതിക പ്രശ്നം മൂലമാണ് മാറ്റി വച്ചത്. ഇരുപത് കിലോമീറ്റര്‍ അകലത്തില്‍ സഞ്ചരിച്ചിരുന്ന ഇരു ഉപഗ്രഹങ്ങളും ഞായറാഴ്ച ഒരു കിലോമീറ്റര്‍ അടുത്തെത്തിയിട്ടുണ്ടായിരുന്നു.


തുടര്‍ന്നുള്ള പാതയില്‍ നേരിയ വ്യതിയാനം കണ്ടെത്തിയതിനെ തുടര്‍ന്നാണ് ഡോക്കിങ് മാറ്റിയത്. സ്പെഡക്സ് ദൗത്യത്തിലെ രണ്ടാം പേടകത്തിന്റെ ക്ഷമതാ പരിശോധനാ വീഡിയോ ഐഎസ്ആര്‍ഒ പുറത്തു വിട്ടിരുന്നു.കഴിഞ്ഞ മാസം 30 നാണ് ശ്രീഹരിക്കോട്ടയില്‍ നിന്ന് ഉപഗ്രഹങ്ങള്‍ വിക്ഷേപിച്ചത്.