കാഞ്ഞാണി പെരുമ്പുഴ പാടത്ത് ഒന്നാം പാലത്തിന്‍മേല്‍ അമിത വേഗതയില്‍ വന്ന ബസ് മീന്‍ വണ്ടിയിലിടിച്ച് ഡ്രൈവര്‍ക്ക് ഗുരുതര പരിക്ക്. മീന്‍ വണ്ടി ഡ്രൈവര്‍ വെളുത്തൂര്‍ സ്വദേശി മാരാന്‍ വീട്ടില്‍ ഉണ്ണികൃഷ്ണനാണ് പരിക്ക് പറ്റിയത്. മീന്‍ വണ്ടിയുമായി മീന്‍ കച്ചവടകാരനായ ഉണ്ണികൃഷ്ണന്‍ മീനെടുക്കാന്‍ ചേറ്റുവയിലേക്ക് പോകും വഴിയാണ് അപകടം സംഭവിച്ചത്.

പെരിഞ്ഞനത്ത് നിന്നു തൃശ്ശൂരിലേയ്ക്ക് വന്നിരുന്ന കമല്‍രാജ് ബസിടിച്ചാണ് അപകടം സംഭവിച്ചത്. ബസ് അമിത വേഗതയിലായിരുന്നു. പാലത്തില്‍മേല്‍ മറ്റൊരു വാഹനത്തെ മറികടക്കാന്‍ ശ്രമിക്കുമ്പോഴാണ് അപകടമുണ്ടായത്.