കണ്ണീര്‍ക്കാഴ്ചയായി....ഗുജറാത്തിലുണ്ടായ വാഹനാപകടത്തില്‍ മലയാളി ദമ്പതികള്‍ക്ക് ദാരുണാന്ത്യം. ആലപ്പുഴ തുറവൂര്‍ സ്വദേശികളായ വാസുദേവന്‍, യാമിനി എന്നിവരാണ് മരിച്ചത്.

ദ്വാരക ക്ഷേത്ര ദര്‍ശനത്തിനായി എത്തിയതായിരുന്നു ദമ്പതികള്‍. ഇവര്‍ സഞ്ചരിച്ച കാറിന്റെ ഡ്രൈവറും അപകടത്തില്‍ മരണമടഞ്ഞു. ദ്വാരകയില്‍ നിന്ന് താമസിച്ചിരുന്ന ലോഡ്ജിലേക്ക് ടാക്‌സിയില്‍ മടങ്ങവേ ട്രക്കുമായി കൂട്ടിയിടിക്കുകയായിരുന്നു.

നാളെ നാട്ടിലേക്ക് മടങ്ങാനിരിക്കെയാണ് അപകടം സംഭവിച്ചത്. വാസുദേവന്‍ സംഭവ സ്ഥലത്തുവച്ചും യാമിനി ആശുപത്രിയില്‍ വച്ചുമാണ് മരിച്ചത്. ആശുപത്രിയിലേക്കുളള വഴി മദ്ധ്യേ ഡ്രൈവറും മരണത്തിന് കീഴടങ്ങി.