ആലുവയിലെ ഫ്‌ലാറ്റില്‍ വയോധിക മരിച്ചനിലയില്‍ . എഴുപത്തിയൊന്നുകാരിയായ ശാന്താമണിയമ്മയാണ് മരിച്ചത്. ആലുവ ബിവ്‌റേജിസ് ഷോപ്പിനടുത്തുളള ഫ്‌ലാറ്റിലാണ് സംഭവം.

ഇന്ന് പുലര്‍ച്ചയോടെയാണ് വയോധികയെ ഫ്‌ലാറ്റിന്റെ പാര്‍ക്കിംഗ് ഏരിയയ്ക്ക് സമീപത്തു വീണ് മരിച്ച നിലയില്‍ കണ്ടെത്തിയത്. ആത്മഹത്യയെന്നാണ് സംശയം. ഏറെ കാലമായി വിഷാദരോഗത്തിന് ചികിത്സയില്‍ കഴിയുകയായിരുന്നു.

11ാം നിലയിലെ ഫ്‌ലാറ്റില്‍ വയോധിക ആഭരണങ്ങള്‍ അഴിച്ചുവച്ചതായി കണ്ടെത്തിയിട്ടുണ്ട്. അങ്കമാലിയിലെ സ്‌കൂളില്‍ അദ്ധ്യാപികയായ മകള്‍ക്കൊപ്പമായിരുന്നു ശാന്താമണിയമ്മ താമസിച്ചിരുന്നത്. മൃതദേഹം മോര്‍ച്ചറിയിലേക്ക് മാറ്റി്. സംഭവത്തില്‍ അസ്വാഭാവിക മരണത്തിന് കേസെടുത്ത് പോലീസ്.