തിരുവനന്തപുരത്ത് സ്‌കൂള്‍ ബസിനുള്ളില്‍ വച്ച് ഒന്‍പതാം ക്ലാസ് വിദ്യാര്‍ഥിയെ പ്ലസ്വണ്‍ വിദ്യാര്‍ഥി കുത്തി പരിക്കേല്‍പ്പിച്ചു
വട്ടിയൂര്‍ക്കാവില്‍ ഓടിക്കൊണ്ടിരുന്ന സ്‌കൂള്‍ ബസിനകത്ത് കത്തിക്കുത്തില്‍ വിദ്യാര്‍ത്ഥിക്ക് പരിക്ക്. നെട്ടയത്തെ സ്വകാര്യ സ്‌കൂളിന്റെ ബസില്‍ പ്ലസ് വണ്‍ വിദ്യാര്‍ത്ഥി ഒന്‍പതാം ക്ലാസ് വിദ്യാര്‍ത്ഥിയെയാണ് കുത്തിയത്. കുത്തിയ വിദ്യാര്‍ത്ഥി വട്ടിയൂര്‍ക്കാവ് പൊലീസിന്റെ കസ്റ്റഡിയിലാണ്.കുത്താനുപയോഗിച്ച കത്തിയും പൊലീസ് കണ്ടെത്തി.
ബുധനാഴ്ച വൈകിട്ട് സ്‌കൂള്‍ വിട്ട ശേഷം വീടുകളിലേക്ക് കുട്ടികളെ വിടാന്‍ പോയ ബസില്‍ ആണ് കേസിനാധാരമായ സംഭവം നടന്നത്.വിദ്യാര്‍ത്ഥികള്‍ തമ്മില്‍ സ്‌കൂളില്‍ വച്ച് നേരത്തെയുണ്ടായ തര്‍ക്കമാണ് ആക്രമണത്തിന് കാരണമെന്ന് കരുതുന്നു.ലാബ് ആവശ്യത്തിനായി കൊണ്ടുവന്ന ചെറിയ കത്തി കൊണ്ടാണ് ബസിനുള്ളില്‍ വെച്ച് ആക്രമണം നടത്തിയത്. പരിക്കേറ്റ കുട്ടിയെ ഉടനെ പൂജപ്പുര താലൂക്ക് ആശുപത്രിയില്‍ പ്രവേശിപ്പിച്ചു. ഇവിടെ പ്രാഥമിക ശുശ്രൂഷ നല്‍കിയ ശേഷം തിരുവനന്തപുരം മെഡ!ിക്കല്‍ കോളേജിലേക്ക് മാറ്റി. പരിക്ക് ഗുരുതരമല്ലെന്നാണ് വിവരം.
https://www.facebook.com/Malayalivartha
