കോഴിക്കോട് വടകരയില്‍ തോട്ടില്‍ രണ്ട് വയസ്സുകാരിയെ മരിച്ച നിലയില്‍ കണ്ടെത്തി. വക്കീല്‍ പാലത്തിന് സമീപമാണ് മൃതദേഹം കണ്ടെത്തിയത്. കുറുക്കോത്ത് കെസി ഹൗസില്‍ ഷമീറിന്റയും മുംതാസിന്റയും മകള്‍ ഹവ്വ ഫാത്തിമയാണ് മരിച്ചത്.

ഇന്ന് ഉച്ചയ്ക്ക് 12 മണിയോടെയാണ് മരിച്ച നിലയില്‍ വീടിനോട് ചേര്‍ന്ന തോട്ടില്‍ കണ്ടത്. വീട്ടില്‍ നിന്ന് കളിച്ച് കൊണ്ടിരിക്കുമ്പോള്‍ കാണാതായ കുട്ടിയെ തിരഞ്ഞപ്പോഴാണ് വീടിന് മുന്‍ഭാഗത്ത് 50 മീറ്ററോളം അകലത്തിലുള്ള തോട്ടില്‍ മരിച്ച നിലയിയില്‍ കണ്ടത്.