അനധികൃത കുടിയേറ്റക്കാരെ ഗ്വാണ്ടനാമോ തടവറയില്‍ അടയ്ക്കാന്‍ നീക്കം...ഗ്വാണ്ടനാമോ തടവറ വിപുലീകരിക്കാന്‍ ഉത്തരവ് നല്‍കി ട്രംപ്
രേഖകള്‍ ഇല്ലാത്ത അനധികൃത കുടിയേറ്റക്കാരെയാണ് തടവറയില്‍ അടയ്ക്കുക.30,000 ത്തോളം തടവറകള്‍ സജ്ജമാക്കാനാണ് വൈറ്റ് ഹൗസ് യുഎസ് ആഭ്യന്തര സുരക്ഷാ വകുപ്പിന് നിര്‍ദേശം നല്‍കിയത്.


ഗ്വാണ്ടനാമോയെ 'പുറത്തുകടക്കാന്‍ ബുദ്ധിമുട്ടുള്ള ഒരു സ്ഥലം' എന്ന് വിശേഷിപ്പിച്ച ട്രംപ്, 'നമ്മുടെ സമൂഹത്തിലെ കുടിയേറ്റ കുറ്റകൃത്യങ്ങളുടെ വിപത്ത് എന്നെന്നേക്കുമായി ഇല്ലാതാക്കുന്നതിലേക്ക് ഒരു ചുവട് വെപ്പാണിത്' എന്ന് അഭിപ്രായപ്പെടുകയും ചെയ്തു.ഭീകരവാദം അടക്കം ഗുരുതര കുറ്റകൃത്യങ്ങള്‍ ചെയ്തവരെ അടയ്ക്കുന്ന കുപ്രസിദ്ധ തടവറയാണ് ഗ്വാണ്ടനാമോ.

അതേസമയം അനധികൃത കുടിയേറ്റക്കാരെ ഗ്വാണ്ടനാമോ തടഴരയില്‍ അടയ്ക്കാനുള്ള ട്രംപിന്റെ തീരുമാനത്തെ ക്യൂബ വിമര്‍ശിക്കുകയും ചെയ്തു. ട്രംപിന്റെത് അതിക്രൂരമായ നടപടിയാണെന്ന് അഭിപ്രായപ്പെട്ട് ക്യൂബ .