കൊല്ലത്ത് വീട്ടമ്മയ്ക്ക് നേരെ ആസിഡ് ആക്രമണം. കല്ലുവെട്ടാന്‍കുഴി സ്വദേശി കവിതയെയാണ് ഭര്‍ത്താവ് ബിജു ആക്രമിച്ചത്. കവിതയുടെ മുഖത്തും കൈയ്ക്കും പൊള്ളലേറ്റു. നിലവിളികേട്ട് ഓടിക്കൂടിയ നാട്ടുകാരാണ് യുവതിയെ കടയ്ക്കല്‍ താലൂക്ക് ആശുപത്രിയില്‍ പ്രവേശിപ്പിച്ചത്.


പഞ്ചായത്തില്‍ നിന്ന് വീട് വെയ്ക്കാനായി ബിജുവിന്റെ പേരില്‍ ഭൂമി അനുവദിച്ചിരുന്നു. ഈ വസ്തുവില്‍ ഷെഡ് കെട്ടിയാണ് ബിജുവും കവിതയും അമ്മയും താമസിച്ചിരുന്നത്.

പലതവണ കവിതയെയും അമ്മയെയും ഷെഡില്‍ നിന്ന് ഇറക്കി വിടാനായി ബിജു ശ്രമിച്ചിട്ടുണ്ടായിരുന്നു. പ്രതിയുടെ ശല്യത്തെ തുടര്‍ന്ന് ഇരുവരും സമീപത്തായി വാടക വീട്ടിലേക്ക് താമസം മാറി. അവിടെ എത്തിയാണ് ബിജു ആക്രമണം നടത്തിയത്. ഇയാള്‍ അറസ്റ്റിലായി.