പാലക്കാട് വല്ലപ്പുഴയില്‍ ഫുട്‌ബോള്‍ മത്സരത്തിനിടെ ഗ്യാലറി തകര്‍ന്ന് വീണ് 70 ഓളം പേര്‍ക്ക് പരുക്ക്.രാത്രി പത്തരയോടെയാണ് അപകടം നടന്നത്. അഖിലേന്ത്യ സെവന്‍സ് ഫുട്ബോള്‍ മത്സരത്തിന്റെ ഫൈനല്‍ നടക്കുന്നതിനിടെ കാണികള്‍ ഇരുന്ന ഗ്യാലറി തകര്‍ന്ന് വീഴുകയായിരുന്നു. ഗ്യാലറി തകര്‍ന്നതിന് പിന്നാലെ കാണികള്‍ ചാടി രക്ഷപ്പെടുകയായിരുന്നു.

അപകടത്തില്‍ 70 ഓളം പേര്‍ക്ക് പരിക്കേറ്റു. ഇതില്‍ രണ്ട് പേരുടെ നില ഗുരുതരമാണ്. ഫൈനല്‍ മത്സരം കാണാനായി പരിധിയില്‍ കൂടുതല്‍ ആളുകള്‍ എത്തിയതാണ് അപകടത്തിലേക്ക് നയിച്ചതെന്നാണ് സൂചനകളുള്ളത്. മത്സരത്തിന്റെ സംഘാടകരായ കനിവ് സാംസ്‌കാരിക വേദിക്കെതിരെ പൊലീസ് കേസെടുത്തു. പരിക്കേറ്റവരെ ആശുപത്രിയില്‍ പ്രവേശിപ്പിച്ചിരിക്കുകയാണ്.