പിറവത്ത് കുരുമുളക് പറിക്കുന്നതിനിടെ മരം ഒടിഞ്ഞ് ഗൃഹനാഥന്‍ വീണത് 40 അടിയോളം താഴ്ചയുള്ള കിണറ്റില്‍... രക്ഷിക്കാന്‍ ശ്രമിച്ച ഭാര്യയും കിണറ്റിലേക്ക്, ഒടുവില്‍....
പിറവത്ത് കുരുമുളക് പറിക്കുന്നതിനിടെ മരം ഒടിഞ്ഞ് ഗൃഹനാഥന്‍ വീണത് 40 അടിയോളം താഴ്ചയുള്ള കിണറ്റില്‍... രക്ഷിക്കാന്‍ ശ്രമിച്ച ഭാര്യയും കിണറ്റിലേക്ക്, ഒടുവില്‍ ഇരുവര്‍ക്കും രക്ഷകരായി അഗ്‌നിരക്ഷാ സേന. എറണാകുളം പിറവത്താണ് സംഭവം. ഇന്നലെ ഉച്ച കഴിഞ്ഞ് മൂന്ന് മണിയോടെയാണ് അപകടമമ സംഭവിച്ചത്.
പിറവം നഗരസഭ 8ാം വാര്‍ഡില്‍ പാറേക്കുന്നില്‍ ഭക്ഷണം കഴിഞ്ഞ് കുരുമുളക് പറിക്കാനായി തോട്ടത്തിലിറങ്ങിയ 66കാരനായ ഇലഞ്ഞിക്കാവില്‍ രമേശനാണ് മരമൊടിഞ്ഞ് കിണറിലേക്ക് വീണത്. ഭര്‍ത്താവ് കിണറിലേക്ക് വീഴുന്നത് കണ്ട് രക്ഷപ്പെടുത്താനായി ശ്രമിച്ച ഭാര്യയും 56കാരിയുമായ പത്മവും കിണറിലേക്ക് വീണു.
കയറില്‍ തൂങ്ങി ഇറങ്ങി ഭര്‍ത്താവിനെ രക്ഷിക്കാനുള്ള ശ്രമത്തിലാണ് പത്മവും കിണറില്‍ കുടുങ്ങിയത്. ഇവരുടെ ബഹളം കേട്ട് നാട്ടുകാരാണ് വിവരം അഗ്‌നിരക്ഷാ സേനയെ അറിയിച്ചത്.
അരയോളം മാത്രം വെള്ളം കിണറിലുണ്ടായിരുന്നതാണ് ഇരുവര്‍ക്കും രക്ഷയായത്. അഗ്‌നിരക്ഷാസേന എത്തുമ്പോള്‍ പരിക്കേറ്റ ഭര്‍ത്താവിനെ കിണറിനുള്ളില്‍ താങ്ങി നിര്‍ത്തിയ നിലയിലായിരുന്നു പത്മമുണ്ടായിരുന്നത്.
സ്ഥലത്തെത്തിയ അഗ്‌നിരക്ഷാ സേനാ നെറ്റിന്റെ സഹായത്തോടെ ഇരുവരേയും മുകളിലെത്തിക്കുകയായിരുന്നു. തലയ്ക്ക് പരിക്കേറ്റ രമേശനും കൈകളില്‍ പരിക്കേറ്റ പത്മവും കൊച്ചിയിലെ ആശുപത്രിയില്‍ ചികിത്സയില്‍ കഴിയുകയാണ്.
"
https://www.facebook.com/Malayalivartha
