ഇരിങ്ങാലക്കുടയില്‍ റോഡ് മുറിച്ച് കടക്കുന്നതിനിടെ ഓട്ടോ ഇടിച്ച് യുവതിക്ക് ദാരുണാന്ത്യം. ഇരിങ്ങാലക്കുട നടവരമ്പില്‍ ഓട്ടോ ടാക്‌സി ഇടിച്ചാണ് യുവതിക്ക് ദാരുണാന്ത്യം സംഭവിച്ചത്. ചിറപറമ്പില്‍ വീട്ടില്‍ മനോജിന്റെ ഭാര്യ ലക്ഷ്മി (39) ആണ് മരിച്ചത്.

കരുപടന്ന സ്വദേശിയ അഫ്‌റഫിന്റെ ഓട്ടോ ടാക്‌സിയാണ് നിയന്ത്രണം വിട്ട് ലക്ഷ്മിയെ ഇടിച്ചത്. ലക്ഷ്മി റോഡ് മുറിച്ച് കടക്കുന്നതിനിടെ വാഹനമിടിക്കുകയായിരുന്നു. അപകടത്തില്‍പെട്ട ഓട്ടോ ടാക്‌സി ബേക്കറിയിലേക്ക് ഇടിച്ചുകയറിയാണ് നിന്നത്. ഉടന്‍ തന്നെ ഇരിങ്ങാലക്കുട സഹകരണ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.