പാമ്പാം പള്ളം ടോള്‍ പ്ലാസയ്ക്ക് സമീപം 165.11 ഗ്രാം മെത്താംഫിറ്റമിനുമായി യുവാവിനെ എക്സൈസ് അറസ്റ്റ് ചെയ്തു. കൊല്ലം കരുനാഗപ്പള്ളി സ്വദേശിയായ അഫ്‌സല്‍ (25 വയസ്) ആണ് മയക്കുമരുന്നുമായി പിടിയിലായത്. യുവാക്കള്‍ക്കിടയില്‍ വിതരണം ചെയ്യാനാനാണ് ഇത്രയും അളവില്‍ മയക്കുമരുന്ന് ഇയാള്‍ കടത്തിക്കൊണ്ട് വന്നത്.

എക്സൈസ് സ്പെഷ്യല്‍ സ്‌ക്വാഡ് സര്‍ക്കിള്‍ ഇന്‍സ്പെക്ടര്‍ അജയകുമാറിന്റെയും വാളയാര്‍ ടാസ്‌ക് ഫോഴ്‌സ് ഡ്യൂട്ടിയില്‍ ഉണ്ടായിരുന്ന എക്സൈസ് ഇന്‍സ്പെക്ടര്‍(ഗ്രേഡ്) പ്രേമാനന്ദന്റെയും നേതൃത്വത്തിലുള്ള എക്സൈസ് സംഘങ്ങള്‍ സംയുക്തമായാണ് പരിശോധന നടത്തിയത്. ഒറ്റപ്പാലം എക്സൈസ് റേഞ്ചിലെ അസിസ്റ്റന്റ് എക്സൈസ് ഇന്‍സ്പെക്ടര്‍ സി.വി.രാജേഷ് കുമാര്‍, സിവില്‍ എക്സൈസ് ഓഫീസര്‍ ഡ്രൈവര്‍ ലൂക്കോസ്.കെ.ജെ, സ്‌ക്വാഡ് ഓഫീസിലെ പ്രിവന്റീവ് ഓഫീസര്‍(ഗ്രേഡ്) മാസിലാമണി എന്നിവര്‍ സംഘത്തിലുണ്ടായിരുന്നു.

കാക്കനാട്ട് ബൈക്കില്‍ കടത്തിക്കൊണ്ട് വന്ന 9.29 ഗ്രാം എംഡിഎംഎയുമായി അന്‍സര്‍ (31 വയസ്) എന്നയാളെ അറസ്റ്റ് ചെയ്തു. എറണാകുളം എക്സൈസ് എന്‍ഫോഴ്‌സ്മെന്റ് & ആന്റി നര്‍കോട്ടിക് സ്പെഷ്യല്‍ സ്‌ക്വാഡിലെ എക്സൈസ് ഇന്‍സ്പെക്ടര്‍ കെ.പി.പ്രമോദും പാര്‍ട്ടിയും ചേര്‍ന്നാണ് മയക്കുമരുന്ന് പിടിച്ചെടുത്തത്. പാര്‍ട്ടിയില്‍ അസിസ്റ്റന്റ് എക്സൈസ് ഇന്‍സ്പെക്ടര്‍(ഗ്രേഡ്) ഓ.എന്‍.അജയകുമാര്‍, പ്രിവന്റീവ് ഓഫീസര്‍, എം.ച്ച്. ശിഹാബുദ്ദീന്‍, സിവില്‍ എക്സൈസ് ഓഫീസര്‍മാരായ ശ്രീജിത്ത്.എം.ടി, അഫ്‌സല്‍, വനിതാ സിവില്‍ എക്സൈസ് ഓഫീസര്‍ എം.ലത എന്നിവരും ഉണ്ടായിരുന്നു.