പെന്‍ഷന്‍ വര്‍ദ്ധിപ്പിച്ചില്ല.... സാമൂഹിക സുരക്ഷ ക്ഷേമപെന്‍ഷന്‍ കുടിശ്ശിക കൊടുത്തുതീര്‍ക്കുമെന്ന് മന്ത്രി .രാജ്യത്തെ ഏറ്റവും ബൃഹത്തായ സാമൂഹിക സുരക്ഷ പെന്‍ഷന്‍ പദ്ധതി കേരളത്തിലാണ്.

60 ലക്ഷത്തോളം പേര്‍ക്ക് പ്രതിമാസം 1600 രൂപ പെന്‍ഷനായി നല്‍കുന്നതിന് 11000 കോടി രൂപയിലധികമാണ് സര്‍ക്കാര്‍ ചിലവാക്കുന്നത്. 33110 കോടി രൂപയാണ് ഈ സര്‍ക്കാര്‍ ഇതുവരെ പെന്‍ഷന്‍ നല്‍കുന്നതിനായി ചെലവാക്കിയത്.

കേന്ദ്ര വകയായി രണ്ടുശതമാനം തുക മാത്രമാണ് ലഭിക്കുന്നത്. ഇനി മൂന്ന് കുടിശ്ശികകളാണ് കൊടുത്തുതീര്‍ക്കാനുള്ളത്. അത് സമയബന്ധിതമായി കൊടുത്തുതീര്‍ക്കുമെന്നും വ്യക്തമാക്കി മന്ത്രി.
അതേസമയം വിവിധ ന്യൂനപക്ഷ ക്ഷേമ പദ്ധതികള്‍ക്കായി 105.63 കോടി രൂപ വകയിരുത്തി. മുന്‍ വര്‍ഷത്തേക്കാള്‍ എട്ടുകോടി രൂപയധികമാണിത്. മുന്നോക്ക വിഭാഗക്കാരുടെ ക്ഷേമത്തിനായി മുന്‍വര്‍ഷത്തേക്കാള്‍ മൂന്നുകോടി രൂപ കൂടി ഉയര്‍ത്തി 38 കോടി രൂപ വകയിരുത്തി.

സാമൂഹിക സുരക്ഷിതത്വവും ക്ഷേമത്തിനുമായി 706.71 കോടി രൂപയും വകയിരുത്തിയിട്ടുണ്ട്.