ആലപ്പുഴ പുന്നപ്ര വടയ്ക്കലിൽ അമ്മയുടെ ആൺ സുഹൃത്തിനെ മകൻ ഷോക്കടിപ്പിച്ച് കൊലപ്പെടുത്തിയ കേസിൽ പ്രതി കിരണിനും മാതാപിതാക്കൾക്കുമെതിരെ കൊലക്കുറ്റത്തിന് കേസ്. കിരണിനും അച്ഛൻ കുഞ്ഞുമോനും അമ്മ അശ്വമ്മയ്ക്കുമെതിരെയാണ് കൊലക്കുറ്റത്തിന് കേസെടുത്തത്.കൊലപാതകം ആസൂത്രിതമാണ് .അമ്മയുടെ ഫോണിലേക്ക് വന്ന മെസേജിൽ നിന്നായിരുന്നു ദിനേശൻ വീട്ടിലേക്ക് വരുമെന്ന് കിരൺ അറിഞ്ഞത് .

  കൊല്ലപ്പെട്ട ദിനേശിനോടുള്ള വർഷങ്ങൾ നീണ്ട പകയായിരുന്നു ക്രൂരകൃത്യത്തിന് പ്രേരിപ്പിച്ചത് . നാലുവർഷം മുന്നെ ദിനേശൻ കിരണിനെ വെട്ടിപരിക്കേൽപിച്ചിരുന്നു. അന്ന് നിയമനടപടികളിലേക്ക് കിരൺ കടന്നിരുന്നില്ല.

കഴിഞ്ഞ പുതുവർഷ ദിനത്തിലും ദിനേശൻ വീട്ടിൽ വന്നതിനെ ചൊല്ലി ഇരുവരും സംഘർഷമുണ്ടായി . മുമ്പും ദിനേശിനെ കൊലപ്പെടുത്താൻ ശ്രമം നടത്തി.  പിന്നെ  വീടിന് പിന്നിൽ വൈദ്യുത കമ്പി കെട്ടി കെണി ഒരുക്കിയായിരുന്നു ദിനേശനെ കൊലപ്പെടുത്തിയത്.

 

കൊല ചെയ്യുന്നതിന് മാതാപിതാക്കളുടെ സഹായം ലഭിച്ചതായും വിവരമുണ്ട്. ശനിയാഴ്ച വൈകിട്ട് ആറരയോടെയാണ് പുന്നപ്ര വടക്ക് പഞ്ചായത്ത് പതിനഞ്ചാം വർഡിൽ കണ്ണങ്കാട്ട് വെളിയിൽ ദിനേശനെ(53) വീടിനു കിഴക്കുവശത്തുള്ള വിജനമായ വിരിപ്പ് പാടശേഖരത്തിൽ മരിച്ച നിലയിലാണ് കണ്ടെത്തിയത്. പൊലീസ് നടത്തിയ അന്വേഷണത്തിൽ ഇലക്ട്രിക് ഷോക്ക് ഏൽപ്പിച്ചുള്ള കൊലപാതകമാണെന്ന് കണ്ടെത്തി .