റാഗിങ് തടയാന്‍ കര്‍ശനമായ നടപടികളും ബോധവല്‍ക്കരണ പ്രവര്‍ത്തനങ്ങളും അടിസ്ഥാന തല ഇടപെടലും നടത്തേണ്ടതുണ്ടെന്ന് മന്ത്രി വി ശിവന്‍കുട്ടി
റാഗിങ് തടയാന്‍ കര്‍ശനമായ നടപടികള്‍ സ്വീകരിക്കുന്നതിനൊപ്പം ബോധവല്‍ക്കരണ പ്രവര്‍ത്തനങ്ങളും അടിസ്ഥാന തല ഇടപെടലും നടത്തേണ്ടതുണ്ടെന്ന് മന്ത്രി വി ശിവന്‍കുട്ടി. റാഗിങ് പോലുള്ള സംഭവങ്ങള്‍ പൂര്‍ണമായി ഇല്ലാതാക്കാന്‍ ഇനിയും കഴിഞ്ഞിട്ടില്ലെന്നും അദ്ദേഹം പറഞ്ഞു. അതുകൊണ്ട് ഒരോ വിദ്യാഭ്യാസ സ്ഥാപനത്തിലും റാഗിങ് വിരുദ്ധ സെല്ലുകള്‍ കൂടി കൊണ്ടുവരുന്ന കാര്യം പൊതുവിദ്യാഭ്യാസ വകുപ്പ് ആലോചിക്കുകയാണെന്നും മന്ത്രി പറഞ്ഞു.
'സ്‌കൂളുകളില്‍ അച്ചടക്ക സമിതികള്‍ നിലവിലുണ്ട്. സ്‌കൂള്‍ കൗണ്‍സലിങ് പദ്ധതിയും സ്‌കൂള്‍ പ്രൊട്ടക്ഷന്‍ ഗ്രൂപ്പും നിലവിലുണ്ട്. എന്നാല്‍ റാഗിങ് പോലുള്ള സംഭവങ്ങളെ പൂര്‍ണമായി ഇല്ലാതാക്കാന്‍ ഇനിയും ആയിട്ടില്ല. റാഗിങ് വിരുദ്ധ സെല്ലുകളുടെ ഘടന, പ്രവര്‍ത്തനം എന്നത് സംബന്ധിച്ച് പഠിച്ച് റിപ്പോര്‍ട്ട് നല്‍കാന്‍ വിദ്യാഭ്യാസ വകുപ്പിലെ ഉന്നത ഉദ്യോഗസ്ഥരുടെ ഒരു സമിതിയെ നിയോഗിക്കുന്ന കാര്യവും പരിഗണനയിലാണ്. സ്‌കൂള്‍ തലത്തില്‍ മാത്രമല്ല മുതിര്‍ന്ന ക്ലാസുകളിലും കോളേജിലുമൊക്കെ ചെല്ലുമ്പോള്‍ വിദ്യാര്‍ഥികള്‍ സ്വീകരിക്കേണ്ട സമീപനം ചെറുപ്പത്തില്‍ തന്നെ സ്വായത്തമാക്കാന്‍ റാഗിങ് വിരുദ്ധ സെല്ലിന്റെ പ്രവര്‍ത്തനത്തിലൂടെ കഴിയണം.' മന്ത്രി പറഞ്ഞു.
സംസ്ഥാനത്തെ ചില വിദ്യാഭ്യാസ സ്ഥാപനങ്ങളിലെങ്കിലും സമൂഹ നന്മയ്ക്ക് നിരക്കാത്ത റാഗിങ് പോലുള്ള സംഭവങ്ങള്‍ നടക്കുന്നുണ്ട്. ഇത് തടയാന്‍ കര്‍ശനമായ നടപടികള്‍ സ്വീകരിക്കുന്നതിനൊപ്പം ബോധവല്‍ക്കരണ പ്രവര്‍ത്തനങ്ങളും അടിസ്ഥാന തല ഇടപെടലും നടത്തേണ്ടതുണ്ട്. സ്‌കൂളുകളില്‍ അച്ചടക്ക സമിതികള്‍ നിലവിലുണ്ട്. സ്‌കൂള്‍ കൗണ്‍സലിങ് പദ്ധതിയും സ്‌കൂള്‍ പ്രൊട്ടക്ഷന്‍ ഗ്രൂപ്പും നിലവിലുണ്ട്. ഇതിന്റെ ഘടന, പ്രവര്‍ത്തനം എന്നത് സംബന്ധിച്ച് പഠിച്ച് റിപ്പോര്‍ട്ട് നല്‍കാന്‍ വിദ്യാഭ്യാസ വകുപ്പിലെ ഉന്നത ഉദ്യോഗസ്ഥരുടെ ഒരു സമിതിയെ നിയോഗിക്കുന്ന കാര്യവും പരിഗണനയിലാണ്.
തിരുവനന്തപുരത്തെ കുട്ടിയുടെ ആത്മഹത്യയില്‍ ക്ലര്‍ക്ക് കുറ്റക്കാരനാണെന്ന് കണ്ട് നടപടി എടുത്തു. എറണാകുളത്ത് കുട്ടി ഫ്‌ലാറ്റില്‍ നിന്നും ആത്മഹത്യ ചെയ്ത സംഭവവും ഗൗരവമായി കാണുന്നു. ഇതിലും ശക്തമായ നടപടി സ്വീകരിച്ചു. മാനേജ്‌മെന്റ് സ്‌കൂളുകളിലാണ് ഇത്തരം സംഭവങ്ങള്‍ നടക്കുന്നത്. ചില സര്‍ക്കാര്‍ സ്‌കൂളുകളിലും പ്രശ്‌നം ഉണ്ടെന്നും മന്ത്രി ചൂണ്ടിക്കാട്ടി.
അധ്യാപക വിദ്യാര്‍ഥി ബന്ധം ശക്തിപ്പെടുത്താന്‍ നടപടി സ്വീകരിക്കും. കുട്ടികള്‍ക്ക് അവര്‍ അനുഭവിക്കുന്ന വിഷമതകള്‍ അധ്യാപകരോട് പറയാന്‍ ആകണം. അത് സഹനുഭൂതിയോടെ കേള്‍ക്കാനും അതിന് അനുസരിച്ച് കൂട്ടായി പ്രവര്‍ത്തിക്കാനും അധ്യാപകര്‍ക്കും ആകണമെന്നും മന്ത്രി കൂട്ടിചേര്‍ത്തു.
https://www.facebook.com/Malayalivartha
