പാലായില്‍ ബസ് നിയന്ത്രണം വിട്ട് തെങ്ങിലിടിച്ച് അപകടം... ബസ് ഡ്രൈവര്‍ മരിച്ചു
പാലായില്‍ ബസ് നിയന്ത്രണം വിട്ട് തെങ്ങിലിടിച്ച് അപകടം... ബസ് ഡ്രൈവര്‍ മരിച്ചു. ഇടമറ്റം മുകളേല്‍ ഗോപാലകൃഷ്ണന്‍ നായരുടെ മകന്‍ രാജേഷ് (43) ആണ് മരിച്ചത്. ഇന്ന് രാവിലെ ഇടമറ്റം ചീങ്കല്ല് ജംങ്ഷന് സമീപം ചേറ്റുതോട് നിന്നും പാലായ്ക്ക് വരികയായിരുന്ന കൂറ്റാരപ്പളളില്‍ ബസാണ് അപകടത്തില്‍പ്പെട്ടത്.
എസ്എസ്എല്‍സി പരീക്ഷയ്ക്ക് വരികയായിരുന്ന വിദ്യാര്‍ഥികള്‍ ഉള്‍പ്പടെ നിരവധി യാത്രക്കാര്‍ക്ക് അപകടത്തില്‍ പരിക്കേറ്റു. മൂന്ന് പേരുടെ നില ഗുരുതരമാണ്. ബസില്‍ വിദ്യാര്‍ഥികള്‍ ഉള്‍പ്പെടെ നിറയെ യാത്രക്കാരുണ്ടായിരുന്നു. പത്താം ക്ലാസ്സിലെ പരീക്ഷയ്ക്കു പോയ ഇടമറ്റം സ്‌കൂളിലെ വിദ്യാര്‍ഥികള്‍ക്കും പരിക്കേറ്റിട്ടുണ്ട്.
അതേസമയം ഡ്രൈവര്‍ കുഴഞ്ഞ് വീണാണ് ബസിന്റെ നിയന്ത്രണം നഷ്ടമായത്. പ്രമേഹ രോഗിയായ ഡ്രൈവര്‍ രാജേഷ് രോഗം മൂര്‍ഛിച്ച് കുഴഞ്ഞ് വീഴുകയായിരുന്നു. തുടര്‍ന്ന് ബസ് തെങ്ങിലിടിച്ചാണ് നിന്നത്.
"
https://www.facebook.com/Malayalivartha
