സങ്കടക്കാഴ്ചയായി...കാറും ബൈക്കും കൂട്ടിയിടിച്ച് പരിക്കേറ്റ് ചികിത്സയില്‍ കഴിഞ്ഞിരുന്ന യുവാവ് മരണത്തിന് കീഴടങ്ങി. തിപ്പല്ലൂര്‍ വീട്ടില്‍ ജനാര്‍ദ്ദനന്റെ (കുട്ടപ്പന്‍) മകന്‍ ജിജിന്‍ ലാലാണ് (25) മരിച്ചത്.

വിദേശത്ത് പോകാനുള്ള മെഡിക്കലെടുത്തു വരുന്ന വഴിയാണ് അപകടം സംഭവിച്ചത്. തിങ്കളാഴ്ച വൈകുന്നേരം 5.20ന് കടങ്ങോട് കാദര്‍പടിയിലായിരുന്നു അപകടം സംഭവിച്ചത്. കടങ്ങോട്ടേക്ക് പോയിരുന്ന ബസ്സിനെ മറികടന്നെത്തിയ കാര്‍ എതിരെ വന്ന ജിജിന്‍ ലാല്‍ സഞ്ചരിച്ച ബൈക്കുമായി കൂട്ടിയിടിക്കുകയായിരുന്നു. ബൈക്കില്‍ കൂടെയുണ്ടായിരുന്ന വൈശാഖും (25) പരിക്കേറ്റ് ചികിത്സയില്‍ കഴിയുകയാണ്.

ജിജിന്‍ ലാലിന്റെ മൃതദേഹം പോസ്റ്റുമാര്‍ട്ടത്തിനായി മോര്‍ച്ചറിയിലേക്ക് മാറ്റി. മാതാവ്: ബീന. രണ്ട് സഹോദരങ്ങളുണ്ട്.