കുന്നംകുളം നഗരത്തിലെ ഹോളി ആഘോഷത്തിനിടെ നടുപ്പന്തിയില്‍ ഇതര സംസ്ഥാന തൊഴിലാളിയെ ബിയര്‍ കുപ്പികൊണ്ട് തലക്കടിച്ച് പരിക്കേല്‍പ്പിച്ചു, സംഭവത്തില്‍ രണ്ടു പേര്‍ പോലീസ് കസ്റ്റഡിയില്‍
കുന്നംകുളം നഗരത്തിലെ ഹോളി ആഘോഷത്തിനിടെ നടുപ്പന്തിയില്‍ ഇതര സംസ്ഥാന തൊഴിലാളിയെ ബിയര്‍ കുപ്പികൊണ്ട് തലക്കടിച്ച് പരിക്കേല്‍പ്പിച്ചു, സംഭവത്തില്‍ രണ്ടു പേര്‍ പോലീസ് കസ്റ്റഡിയില്‍
. വാടക ക്വാര്‍ട്ടേഴ്‌സില്‍ താമസിക്കുന്ന ചത്തീസ്ഗഢ് സ്വദേശി പ്രഹ്ലാദന് എന്നയാള്‍ക്കാണ് മര്‍ദ്ദനമേറ്റത്.ഇയാളുടെ നില അതീവ ഗുരുതരമാണ്. ഇന്നലെ വൈകുന്നേരം ആറിന് ഇതര സംസ്ഥാന തൊഴിലാളികള്‍ തമ്മില്‍ വാടക ക്വാട്ടേഴ്‌സില്‍ ഏറ്റുമുട്ടലുണ്ടായി. സംഘര്‍ഷത്തിനിടെ ബിയര്‍ കുപ്പി കൊണ്ട് അടിയേറ്റാണ് പ്രഹ്ലാദന് ഗുരുതരമായി പരിക്കേറ്റത്.
ഇയാളെ കുന്നംകുളം ആംബുലന്‍സ് പ്രവര്‍ത്തകര്‍ ആദ്യം താലൂക്ക് ആശുപത്രിയിലും പിന്നീട് തൃശ്ശൂര്‍ മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചു.
സംഭവത്തില്‍ ഒപ്പം താമസിക്കുന്ന ഛത്തീസ്ഗഢ് സ്വദേശികളായ രാജു കര്‍സാല്‍, രമണന്‍ എന്നിവരെ കുന്നംകുളം പൊലീസ് കസ്റ്റഡിയിലെടുത്തു. കൂടുതല്‍ പ്രതികള്‍ക്കായി പൊലീസ് അന്വേഷണം തുടങ്ങി.
https://www.facebook.com/Malayalivartha
