രണ്ട് സ്ഥലങ്ങളിലായി ജോലിക്കിടെ ഷോക്കേറ്റ് കെഎസ്ഇബി ജീവനക്കാര്‍ മരിച്ചു. പാലക്കാട് അട്ടപ്പാടിയിലും തൃശൂര്‍ അതിരപ്പിള്ളിയിലുമായാണ് ജോലിക്കിടെ ഷോക്കേറ്റ് കെഎസ്ഇബി ജീവനക്കാര്‍ മരിച്ചത്.

അട്ടപ്പാടിയില്‍ ചീരക്കടവില്‍ വൈദ്യുതി ലൈന്‍ സ്ഥാപിക്കുന്നതിനിടെ ഷോക്കടിച്ച് താല്‍ക്കാലിക ജീവനക്കാരനായ നെല്ലിപ്പതി സ്വദേശി നഞ്ചന്‍ (52) ആണ് മരിച്ചത്. ജോലിക്കിടെ വൈദ്യുതി തൂണില്‍ നിന്നുള്ള കമ്പി സമീപത്തെ ഹൈ ടെന്‍ഷന്‍ ലൈനില്‍ തട്ടിയാണ് ഷോക്കേറ്റത്. കോട്ടത്തറ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

അതിരപ്പിള്ളിയില്‍ വൈദ്യുതി പോസ്റ്റിലെ അറ്റകുറ്റപ്പണിക്കിടെയാണ് ലൈന്‍മാന് ഷോക്കേറ്റത്. ലൈന്‍മാന്‍ പത്തനംതിട്ട സ്വദേശി സി കെ റെജി (53) ആണ് മരിച്ചത്. അതിരപ്പള്ളി ജംഗ്ഷനില്‍ വൈകിട്ട് അഞ്ചരയോടെയായിരുന്നു അപകടം.