താമരശേരിയില്‍ പരീക്ഷയ്ക്ക് സ്‌കൂളിലേക്ക് പോയ 13 വയസുകാരിയെ കാണാതായി. താമരശ്ശേരി പെരുമ്പള്ളി സ്വദേശിയായ പെണ്‍കുട്ടിയെയാണ് കാണാതായത്. ചൊവ്വാഴ്ച രാവിലെ 9 മണിക്ക് സ്‌കൂളില്‍ പരീക്ഷക്കായി പോയതാണ്. പിന്നീട് കുട്ടി വീട്ടില്‍ തിരിച്ചെത്തിയിട്ടില്ല. പുതുപ്പാടി സര്‍ക്കാര്‍ സ്‌കൂളിലെ എട്ടാം ക്ലാസ് വിദ്യാര്‍ത്ഥിയാണ്. ബന്ധുവായ മറ്റൊരു യുവാവിനെയും അതേ ദിവസം കാണാതായിട്ടുണ്ട്. പുതുപ്പാടി ആച്ചി കോളനി സ്വദേശിയായ അജ്‌നാസിനെയാണ് (26) കാണാതായത്. ഈ യുവാവിനെതിരെ പെണ്‍കുട്ടിയുടെ രക്ഷിതാക്കള്‍ നേരത്തെ പരാതി നല്‍കിയിരുന്നു.