അതിഥി തൊഴിലാളികള്‍ താമസിക്കുന്ന ഷെഡിന് സമീപം കഞ്ചാവ് ചെടികള്‍
ചേര്‍ത്തലയില്‍ അതിഥി തൊഴിലാളികള്‍ താമസിക്കുന്ന ഷെഡിന് സമീപം കഞ്ചാവ് ചെടികള്‍ വളര്‍ത്തിയ ആളെ എക്‌സൈസ് പിടികൂടി. അസം സ്വദേശി സഹിദ്ദുള്‍ ഇസ്ലാം ആണ് അറസ്റ്റിലായത്. 65 സെമി നീളവും 55 സെ.മീ. നീളവുമുള്ള രണ്ട് കഞ്ചാവ് ചെടികളാണ് കണ്ടെടുത്തത്. ഇയാള്‍ താമസിക്കുന്ന ഷെഡിലെ കട്ടിലിനടിയില്‍ ഒളിപ്പിച്ച നിലയില്‍ 260 ഗ്രാം കഞ്ചാവും കണ്ടെടുത്തു.
ചേര്‍ത്തല എക്‌സൈസ് റേഞ്ച് ഇന്‍സ്‌പെക്ടര്‍ പിഎം സുമേഷിന്റെ നേതൃത്വത്തില്‍ നടന്ന പരിശോധനയില്‍ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ പി ബിനേഷ്, അസിസ്റ്റന്റ് എക്‌സൈസ് ഇന്‍സ്‌പെക്ടര്‍(ഗ്രേഡ്)മാരായ കെപി സുരേഷ്, ജി മനോജ് കുമാര്‍, ജി മണികണ്ഠന്‍, സിവില്‍ എക്‌സൈസ് ഓഫീസര്‍മാരായ കെഎ തസ്ലിം, സിസി ശ്രീജിത്ത്, എപി അരുണ്‍, ശ്രീലാല്‍.എംസി, വനിതാ സിവില്‍ എക്‌സൈസ് ഓഫീസര്‍ ശ്രീജ.എസ്, അസിസ്റ്റന്റ് എക്‌സൈസ് ഇന്‍സ്‌പെക്ടര്‍ ഡ്രൈവര്‍ (ഗ്രേഡ്) വി.എസ്.ബെന്‍സി എന്നിവരും പങ്കെടുത്തു.
അതേസമയം, കരുനാഗപ്പള്ളി പാവുമ്പയില്‍ 23 ലിറ്റര്‍ വ്യാജമദ്യവും 57 ലിറ്റര്‍ ഇന്ത്യന്‍ നിര്‍മ്മിത വിദേശ മദ്യവും ഉള്‍പ്പെടെ 80 ലിറ്റര്‍ മദ്യവുമായി അനധികൃത മദ്യ വില്‍പ്പനക്കാരന്‍ അറസ്റ്റിലായി. പാവുമ്പ സ്വദേശി വിജയന്‍(39) ആണ് അറസ്റ്റിലായത്. കരുനാഗപ്പള്ളി എക്‌സൈസ് റേഞ്ചിലെ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ കെജി രഘുവും പാര്‍ട്ടിയും ചേര്‍ന്നാണ് മദ്യ ശേഖരം പിടികൂടിയത്. പാര്‍ട്ടിയില്‍ വനിത സിവില്‍ എക്‌സൈസ് ഓഫീസര്‍ രാജി എസ് ഗോപിനാഥ്, സിവില്‍ എക്‌സൈസ് ഓഫീസര്‍മാരായ ഹരിപ്രസാദ്, കിഷോര്‍, ജിനു തങ്കച്ചന്‍, അന്‍സാര്‍ എന്നിവരും ഉണ്ടായിരുന്നു.
https://www.facebook.com/Malayalivartha
