രാസ ലഹരിയുമായി മലയാളി യുവാവ് കോയമ്പത്തൂരില്‍ പിടിയില്‍....
രാസ ലഹരിയുമായി മലയാളി യുവാവ് കോയമ്പത്തൂരില്‍ പിടിയില്‍. 150 ഗ്രാം മെത്താഫെറ്റാമിനുമായി മലയാളി യുവാവ് കോയമ്പത്തൂര്‍ റെയില്‍വേ സ്റ്റേഷനില്‍ വച്ചാണ് പിടിയിലായത്.
കായംകുളം പുള്ളിക്കണക്ക് കവി കൃഷ്ണപുരം സ്വദേശി എസ്. മുഹമ്മദ് സിനാന്‍ (19) ആണ് പിടിയിലായത്. ആലപ്പുഴയില്‍ ഒന്നാംവര്‍ഷ എന്‍ജിനീയറിങ് വിദ്യാര്‍ഥിയാണ് 19കാരന്‍. ബെംഗളൂരു-കന്യാകുമാരി ഐലന്‍ഡ് എക്‌സ്പ്രസ്സിലെ പരിശോധനയിലാണ് ഇയാള്‍ പിടിയിലായത്.
ശനിയാഴ്ച കോയമ്പത്തൂര്‍ ജംഗ്ഷന്‍ റെയില്‍വേ സ്റ്റേഷനില്‍ എത്തിയ ട്രെയിനിന്റെ അവസാന ജനറല്‍ കോച്ചിലാണ് ആര്‍പിഎഫ് ഇന്‍സ്പെക്ടര്‍ സി. ഗിരീഷിന്റെ നേതൃത്വത്തില്‍ എഎസ്‌ഐമാരായ ദേവരാജ്, സുധാകരന്‍, പിഇഡബ്ല്യൂ ഇന്‍സ്പെക്ടര്‍ എം.കെ. ശരവണന്‍ എന്നിവരെ അടങ്ങിയ സംഘമാണ് രാസ ലഹരിയടങ്ങിയ പൊതി കണ്ടെത്തിയത്. സംശയാസ്പദമായ രീതിയില്‍ കണ്ടെത്തിയ പ്രതിയെ ചോദ്യം ചെയ്തതിനിടെ ഇയാള്‍ ഓടി രക്ഷപ്പെട്ടു. പിന്നീട് കേരളത്തിലേക്കുള്ള മറ്റൊരു ട്രെയിനില്‍ കയറാന്‍ ശ്രമിക്കുന്നതിനിടെയാണ് വീണ്ടും സിനാന്‍ കുടുങ്ങിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
അതേസമയം ആര്‍പിഎഫ്, തമിഴ്‌നാട് പിഇഡബ്ല്യൂമായി ചേര്‍ന്നാണ് തിരച്ചില്‍ നടത്തിയത്.
"
https://www.facebook.com/Malayalivartha
